Danmörk, Finnland, Noregur og Svíþjóð eru lönd sem liggja nálægt hver öðrum. Færeyjar, Ísland og Grænland liggja langt í burtu, í norðurhluta Atlantshafsins. Noregur er í 600 km fjarlægð frá Færeyjum í loftlínu. Og frá Noregi til vesturstrandar Grænlands er í það minnsta 1.500 km. Fornleifafræðingar hafa fundið ummerki um fyrsta mannfólkið á Færeyjum. Það bjó þar á 3.–4. öld. Ummerkin benda einnig til þess að fólkið hafi haldið sauðfé. Enn er þó ekki vitað hvaða fólk þetta var, hvaðan það kom eða hvert það fór. Á 7. öld sigldu írskir munkar til eyjanna til að lifa í einmanaleika. Á þeim tíma bjó enginn á Færeyjum.

Kanntu lagið um meistara Jakob? Hefur þú einhvern tímann sungið Gamla Nóa / Allir krakkar (d. Bjørnen sover)? Flestir á Norðurlöndunum myndu líklega svara játandi, enda eru lögin hluti af hinum norræna söngvasjóði. Í norrænum söngvasveig er úrval hefðbundinna barnasöngva fyrir yngstu bekkina og auk þess ný lög fyrir þá sem örlítið eldri eru. Lögin eru skemmtileg leið fyrir þig og bekkinn til að kynnast nágrannamálunum dönsku, norsku og sænsku í skólastarfinu. Þá er hugmyndin einnig sú að lögin verði til að glæða sköpunarkraft nemendanna og að þau megi nýta í samspili við frumsamda texta. Markmið efnisins er að nemendur kynnist nágrannamálunum dönsku, norsku og sænsku í söng og leik. Um leið á tónlistin og þau skapandi verkefni sem henni fylgja að gefa nemendum tækifæri til að hugleiða hvaða þýðingu Norðurlöndin hafa í þeirra augum. Hverju lagi fylgja þannig verkefni, þar sem ýmist er lögð áhersla á tungumál, vinnu með texta eða myndlist.