Tekst
Video
Spil og leg
Konkurrence
Lydindspilning
Opgave
Lærervejledning

Glemt password?

Læringsmål

{{learningObjectiv.description}}

Opgaven er nu afleveret

{{assignment.Index}} {{assignment.Type}}

Kommentar

Opgaver

{{assignment.Comment}}

Norræn sjálfsmynd (leiðbeiningar fyrir kennara)

Klassetrin: 7.-10. klasse Fag: Dansk Tema: Nordisk ID Type: Lærervejledning

Nordisk ID (lærervejledning)

https://nordeniskolen.org/umbraco/#/content/content/edit/118650

KYNNING

Hvað þýðir það að vera norrænn? Er til einhver sameiginleg norræn sjálfsmynd eða vitund? Eru norræn sjálfsmynd annars vegar og þjóðarvitund hins vegar aðeins tvær hliðar á sama hlut?

Námsefnið inniheldur góða blöndu af rómantískum ættjarðarlögum, stuttmyndum þar sem tekin er sjálfhæðin afstaða til þjóðarvitundar, og textum sem takast á við spurningar tengdar því að samsama sig fleiri þjóðernum. Í heimi þar sem flóttamenn streyma frá stríðshrjáðum svæðum og hugur margra Evrópubúa reikar milli sjálfstæðishugsana og þess að tilheyra evrópsku samfélagi má segja að námsefnið hitti beint í mark. Hér er með öðrum orðum farið í saumana á hinu norræna erfðaefni.

 

 

MARKMIÐ

Markmið námsefnisins er að nemendur kynnist og nálgist hugmyndir um þjóðarvitund úr ólíkum áttum. Þeir eru hvattir til að hugleiða og ræða hvað við getum verið sammála og samtaka um þó við séum ólík. Í þemanu er námsefni á öllum Norðurlandamálum, bæði á rituðu og mæltu máli. Námsefnið mun auka málskilning nemenda og efla norrænt menningarlæsi þeirra.

 

 

UPPBYGGING NÁMSEFNISINS

Norræn sjálfsmynd samanstendur af textum (ljóðum, rapptextum, sálmum, popplögum, þjóðsöngvum, smásögu, útdrátt úr skáldsögu), myndum/stuttmyndum (bæði heimildarmyndir og leikið efni) og tónlistarmyndbandi. Ekki er nauðsynlegt að fara í gegnum allt efnið. Norden i Skolen stingur upp á þremur leiðum: Hið þjóðlega, Hið fjölþjóðlega og Hið nýtúlkandi, sem bregður hver upp sínu sjónarhorni á umræðuna. Kennurum er frjálst að velja eina af leiðunum eða þá einstaka sögur, allt eftir því hvað hentar bekknum best hverju sinni.

  

Leið 1: ’Hið þjóðlega’ 

  • Veljið tvo eða þrjá af þjóðsönvgum Norðurlandanna ásamt kvæði H.C. Andersens ‘Jeg er en skandinav’ og textann úr tónlistarmyndbandinu ‘Mítt land’ eftir Eyðun Nolsøe. Í verkefnunum sem fylgja er lögð áhersla á sýn þjóðernisrómantíkurinnar á þjóðerni og sjálfsmynd auk þess sem farið er í saumana á skilningi nútímans á þjóðernishugtakinu. Þá er tilvalið að bæta við fræðandi kynningarmyndbandi Norden i Skolen ’Det nordiska perspektivet’ til samanburðar.

 

Leið 2: ’Hið fjölþjóðlega’ 

  • Veljið stuttmyndirnar ’Half&Half’ og ’Barn af Irak’ auk textans ’Svenhammeds journaler’, sem fjalla um vandkvæðin og áskorunina sem fylgja því að lifa í og milli tveggja menningarheima. Verkefnin sem fylgja opna fyrir umræðu um sjálfsmynd og samfélag. Ef tími gefst til má einnig bæta við dæmum úr þjóðernisrómantíkinni.

 

Leið 3: ’Hið nýtúlkandi’ 

  • Veljið danska tónlistarmynbandið ’Find mig her’ með Per Vers, færeyska ljóðið ’Í mínum landi’ eftir Jóanes Nielsen og norsku stuttmyndina ’Ja, vi elsker’. Þar má segja að þjóðernisrómantíkin sé tekin í kaldhæðna sjálfskoðun. Í verkefnunum sem fylgja eiga nemendur að greina hvernig hugmyndin um þjóðarvitund getur orðið hluti af pólitískri hugmyndafræði. Ef tími gefst til er tilvalið að tengja þessa leið þeirri fyrstu.

 

VERKEFNI OG HLJÓÐORÐABÓK

Hverju efni fylgja fjögur verkefni og er neðangreind skipting þeirra eingöngu til viðmiðunar.

  • Málskilningur og menningarlæsi
  • Inn í textann (kynningarhluti)
  • Kafað í textann (greiningarhluti)
  • Út úr textanum (yfirsýn)

 

Sérstök hljóðorðabók er tengd textunum og er undir nemendum komið hvort þeir nýta sér hana eður ei. Með því að ýta á þau orð, sem eru appelsínugul, opnast lítill kassi, þar sem heyra má orðin og sjá þýðingu þeirra á bókmáli, nýnorsku, dönsku og sænsku.

 

Login for at se mere

Pædagogisk konsulent: Stefan Åge Hardonk Nielsen

Udgiver: Norden i Skolen

Udgivet: 2018