Tekstur
Video
Spæl og leikur
Kapping
Ljóðupptøka
Uppgáva
Læraravegleiðing

Gloymt loyniorð?

 

Um Norden i Skolen

Ókeypis frálærupallur til øll Norðurlond

Norden i Skolen er ein ókeypis frálærupallur, ið gevur norðurlendskum lærarum og næmingum í fólka- og miðnámsskúla serstakar møguleikar fyri at arbeiða við skandinaviskari málfatan og norðurlendskari mentanarfatan. Tilfarið er býtt upp í trý fakøki: 'Mál og mentan', 'Søga og samfelag' og 'Veðurlag og náttúra'. Alt tilfarið tekur støði í tí norðurlendska, og er ment fyri at stuðla málunum í øllum teimum norðurlendsku námsætlanunum.

 

Í 2011 vann Norden i Skolen virðisløn frá norðurlendsku samstarvsráðharrunum fyri at hava ment eitt útkast, ið styrkir fatanina av grannamálunum donskum, norskum og svenskum hjá børnum og ungum í øllum Norðurlondum. Norden i Skolen verður umsitið av Norrønu Feløgunum. Verkætlanin er non-profit, og verður stuðlað m.a. av Nordisk språkkoordination (2014–2018) og av Norðurlendska Ráðharraráðnum

 

Mál og mentan

Høvuðs fakøki: Málfak (fólkaskúli + miðnám)

 

 

 

Les meira um ‘Mál & mentan’ her.

  

Søga og samfelag

Høvuðs fakøki: Søga og samfelagsfrøði (í løtuni serliga á miðnámi)

 

'Søga og samfelag' bjóðar frálæru, ið styrkir fatanina av aktuellum norðurlendskum søgu- og samfelagsspurningum. Norden i Skolen setir í fyrstu atløgu fokus á Arktis og ríkisfelagsskapin millum Danmark, Føroyar og Grønland. Hvat merkir tað t.d., at ísurin bráðnar í Arktis? Hví er tørvur á at skilja tað, ið hendir í ríkisfelagsskapinum? Og hvat er munurin á bleytum og hørðum valdi?

 

Sí meira um 'Søgu og samfelag' her.

 

 

Veðurlag og náttúra

Høvuðs fakøki: Náttúru- og samfelagsfrøði (serliga til framhaldsdeildina)

 

'Veðurlag & náttúra' bjóðar frálærutilfar um burðardygd, orkunýtslu og plast í sjónum. Næmingarnir læra at samstarva við onnur ung í Norðurlondum um at finna burðardyggar loysnir, sum virka í skúlanum,  heima og í nærumhvørvinum. Frálærutilfarið gevur næmingunum amboð til at fata og taka støðu til alheims veðurlagsavbjóðingarnar og til sjálvi at handfara tær heimligu avbjóðingarnar. 

 

Finn meira um "Veðurlag og náttúra' her.

 

 

Vinaflokkar

Øll hesi trý øki gerast betri við einum norðurlendskum vinaflokki. Tí hevur tú møguleika at finna og knýta samband við norðurlendskar vinarflokkar á Norden i Skolen. Samstarvið við javngomul frá einum øðrum norðurlandi gevur undirvísingini nakað heilt nýtt og spennandi. Umframt at vera hugkveikjandi og áskoðanarbirtandi fyri næmingarnar, læra tey eisini at samskifta við norðurlendskar javnaldrar - og gerast sostatt viðleikarar í egnari tilognan av vitan.  

 

Les meira og finn ein vinaflokk.

 

Vælkomin til norðurlendska frálærupallin!

 

Myndir

platformb-2.jpg