Tekstur
Video
Spæl og leikur
Kapping
Ljóðupptøka
Uppgáva
Læraravegleiðing

Næsta skúlakjattið

04. september 2019

Ver við í Norðurlendska Skúlakjattinum

- fyri fólkaskúla og miðnám!

 

Norðurlendskt Skúlakjatt er ein slóðbrótandi og stuttligur máti fyri norrønar skúlanæmingar at hittast. Kjatt-tiltakið gevur næmingunum ein serstakan møguleika fyri at skilja líkleikar og munir millum skandinavisku málini.

 

SOLEIÐIS VIRKAR NORÐURLENDSKA SKÚLAKJATTIÐ

Skúlakjattið er eitt snúningskjatt, sum gevur næmingum møguleika at tosa við aðrar næmingar í Norðurlondum í eini tilvildarligari skipan. Á skíggjanum eru tveir kjattgluggar – ein sær seg sjálvan í øðrum og ein tilvildarligan norðurlendskan næming í hinum.

 

Allir skúlanæmingar í Norðurlondum kunnu vera við – ókeypis! Einasta, ið krevst, er at tú ert til reiðar til at royna teg at samskifta á donskum, norskum og svenskum.

 

Teknisk krøv

  • Brúka Firefox ella Google Chrome sum kaga (Safari-iPad).
  • Teldu og teldla (iOS11 útgáva ella nýggjari) við myndatóli /webcam og mikrofon.
  • Stovna ein lærara-vanga á Norden i Skolen.
  • Vit mæla til, at næmingarnir brúka smátalarar.
  • Vita um alt riggar á skúlakjattinum í góðari tíð ovast til høgru á hesi síðuni (verjugarðar/’firewalls’ kunnu geva tekniskar avbjóðingar).
  • Fartelefonir kunnu tíverri ikki brúkast.

 

GÓÐUR ATBURÐUR – GÓÐAR UPPLIVINGAR

Norðurlendskt Skúlakjatt skal geva góðar upplivingar og nýggjar vinir – ikki tað øvugta. Norden i Skolen krevur tí, at allir næmingar fara væl við hvør øðrum, og tosa virðiliga saman. Vit mæla til, at flokkurin tosar um, hvat góður atburður á netinum er, áðrenn farið verður í gongd við Norðurlendskt Skúlakjatt. Tosa til dømis við tínar næmingar um, at tey ikki bert umboða seg sjálvi, tá tey tosa við næmingar úr øðrum norðurlondum, men at tey eisini eru ambassadørar fyri teirra skúla, teirra bý og teirra land.

 

Norðurlendskt Skúakjatt er ikki opið alt samdøgrið, men bert eitt ávíst tíðarskeið, har ferðslan verður eftiransað. Í útgangsstøði er ongin sensurur, men um óhóskandi atburður verður staðfestur, kann Norden i Skolen fara inn og steingja viðkomandi. Tað er eisini ein ’meldi-knøttur’, sum næmingarnir kunnu trýsta á, um tey uppliva grovan, óhóskandi atburð.

 

Skúlakjattið verður hildið á serligum døgum, so halt eyga við heimasíðuni og FACEBOOK undan komandi kjattumfari!