Tekstur
Video
Spæl og leikur
Kapping
Ljóðupptøka
Uppgáva
Yrkisbókmentir
Læraravegleiðing

Gloymt loyniorð?

 

Næsta skúlakjattið

11. november 2021

Um norðurlendskt veðurlagskjatt

Klimadag

Melda flokkin til HER. Innritingarupplýsingar at deila við næmingunum finnur tú undir ’mitt konto’, allir næmingarnir brúka somu innritingina.

 

Útbúgving er grundleggjandi fyri at náa burðardyggari menning. Tað lesa vit í undirmáli 4.7 í Heimsmálum ST fyri 2030. Sum íkast til hetta fyrireikar Norden i Skolen saman við danska Friluftsrådet at hava eitt Norðurlendskt veðurlagskjatt. Kjattið tekur støði í Heimsmálunum hjá ST fyri burðardyggari menning.

Norðurlendskur veðurlagsdagur - Heimsmál 13 + 12 + 7 í fokus          

11.11.2021 kl. 12-13 (føroysk tíð)  

Hví Norðurlendskt veðurlagskjatt?

Veðurlags- og umhvørvisspurningar kenna ikki landamørk og krevja samstarv og samsskifti millum lond. Í norðurlendska samstarvinum er hetta eitt raðfest øki. Samstarvið er eitt nú av týdningi, tí tað økir um møguleikan at ávirka á heimsumfatandi støði, samstundis, sum vit kunnu læra av hvørøðrum.


Eitt norðurlendskt átak í veðurlags- og umhvørvisfrálæruni við sjóneykuna á samstarv, felags avbjóðingar og loysnir, skapar meirvirði. Tað gevur eisini teimum ungu amboð og eina rødd í nútíðar og framtíðar veðurlagskjakinum. Tey ungu eru týðandi viðspælarar til broytingar.

 

Málbólkur og tilfar

7.-10. flokkur. Allir næmingar í Norðurlondum eru vælkomnir at luttaka, men í samskiftinum verður tosað skandinaviskt, t.e. norskt, danskt ella svenskt. 

Norðurlendsk veðurlagskjatt leggur seg bæði eftir skandinaviskari grannamálsfatan og burðardyggari menning. Ætlanin leggur upp til tvørfakligt samstarv millum náttúruvísindi, samfelagsfak og móðurmálsfrálæru.

 

Spurningar
Um tú vilt fyrireika flokkin eitt sindur, so ber til at lúra eftir spurningunum her:

1. Hvørjar trupulleikar hevur eitt lýggjari veðurlag við sær?
2. Hvør verður harðast raktur av veðurlagsbroytingunum?
3. Hvør hevur ábyrgdina av at støðga alheims upphitingini?
4. Óttast tú veðurlagsbroytingarnar og hvat órógvar teg mest?
5. Hví er tað av týdningi, at tað finnast nógv ymisk sløg av djórum, skordýrum og vøkstri (lívfrøðiligt margfeldi)?
6. Er tað tann ríki ella fátæki parturin av heiminum, sum hevur størstu ábyrgdina fyri útlátinum av vakstrarhúsgassum?
7. Hvussu vilt tú hava, at heimurin sær út í ár 2050?
8. Hvussu heldur tú, at vit fara at ferðast í ár 2050?
9. Hvussu heldur tú, at matvanarnir koma at verða broyttir í ár 2050?
10. Hví eiga vit at gevast við at brúka steinrunnin brennievni, so sum kol og olju?
11. Hvørjar orkukeldur heldur tú vera vanligar í tínum heimlandi í 2050 og hví?
12. Hví er tað av týdningi at avmarka alheims upphitingina so nógv sum gjørligt?
13. Hvat áttu politikarar gjørt fyri at støðga alheims upphitingini?
14. Finnið fram til trý tiltøk, ið høvdu verið góð fyri framtíðina hjá jørðini
15. Finnið fram til trý økir, ið eru skaðilig fyri framtíðina hjá jørðini