Lærumál
{{learningObjectiv.description}}
Uppgávan er nú innlatin
{{assignment.Index}} {{assignment.Type}}
Viðmerkingar
Uppgávur
{{assignment.Comment}}
Um filmin 
Vilde hevur fingið sólstovuketuna Brun og Blid til at fíggja teirra russebuss. Noora heldur, at stuðulsavtalan er eitt vánaligt hugskot.
Hendingin er um ta sjálvvissu Noora, ið er høvuðspersónur í øðrum umfari. Í filmskutinum og tekst-samtaluni, ger hon greitt yvir fyri vinkonu síni Vilde, at tær ikki skulu standa fram sum seksualobjekt, og harumframt leggur hon eitt meme á Instagram í sambandi við altjóða kvinnustríðsdagin 8. mars. Høvuðspersónurin í hvørjum umfari hevur ein vanga á Instagram uttan fyri sjálva sendirøðina, ið øll kunnu fylgja og gera viðmerkingar til.
Vel ’CC’ í avspælaranum fyri at fáa undirtekstir á norskum bókmáli
Um leikstjóran
Julie Andem
Julie Andem (fødd í 1982) er norskur leikritahøvundur, leikstjóri og sjónvarpsframleiðari. Hon hevur millum annað staðið fyri ungdómsrøðini SKAM, ið varð víst á NRK frá 2015-17. Andem hevur vunnið eina røð av heiðurslønum fyri røðina og Skam fekk í 2016 norrønu málheiðurslønina.
Far til uppgávur
print
SKAM 3: Det handler om, hvordan vi fremstiller oss selv!
Innrita fyri at síggja meira
Uppgávur
-
1Mál
Tit kunnu læra at
- lesa og týða norska samtalu
- hugleiða um ymiskar áskoðanir til gentur
- vera tilvitað um, hvussu ein førir seg fram
- kanna hvat meme er
- gera eitt meme við einum boðskapi
- samskifta við ung úr Norðurlondum
-
2Áðrenn
Hin 8. mars, ið er altjóða stríðsdagur kvinnunar, leggur Noora út eitt sokallað meme á Instagram. Memes er myndir ella filmsbrot, ið verða deild á netinum, og eru fylt við dulmálum og skemti, men kunnu eisini hava eina áskoðan.
- Finn meira vitan um altjóða stríðsdagin hjá kvinnunum
- Noora er feministur - ert tú? Tak royndina http://kvinfo.dk/nyheder/hvor-feministisk-er-du
- Finn og vís fram eitt meme. Deilið memini hjá flokkinum í bólkar, eitt nú “Tvætl”, “Shaming”, “Nakað upp á hjartað” og “Ert tú við?”
-
3Meðan
Uppgávur til filmskutið
- Hygg eftir filmsbrotinum nakrar ferðir
- Yvirset samtaluna millum Vilde og Noora. Tit kunnu lesa tað hart upp
- Hví fer Noora í jakkan eftir at hon hevur lisið boðini frá William?
- Hvat meinar Vilde við, at gentan í Pepsi-Max-bólkinum fellur í kursi?
- Hví vil Noora ikki stuðlast av sólketuni Brun og Blid?
- Strika undir tey orð, ið vísa eina støðutakan, hugburð, jaliga ella neiliga. Brúkið ymsar litir annaðhvørt tað eru hugburðirnir hjá Vilde ella Noora
- Lýs munin á orðavalinum hjá teimum
- Kjakist í bólki um tykkara hugburð til stuðulsavtaluna
Uppgávur til tekst-samtalu
- Yvirset samtaluna millum Vilde og Noora
- Hvat meinar Noora við “Vi skal ikke fremstå som seksuelle objekter”?
- Hvat er munurin á grundgevingunum hjá Noora og Vilde um at brúka varrastift?
- Á Instagramvanganum hjá Noora skilst, at hon hevur verið við til altjóða kvinnustríðsdagin. Hvussu sæst tað annars í klipping og talu, at hon er feministur?
Uppgávur til Instagram-boð
- Lýs memið og greið frá hvussu sýningarháttur (krossstingsseyming) og og boðskapurin “Girls just wanna have fundamental human right” spæla saman?
- Memið hjá Noora sipar til sangin “Girls just wanna have fun” hjá Cyndi Lauper. Hygg eftir sjónbandalagnum á netinum. Nær er sangurin frá? Hvat ger gentan í sjónbandalagnum uppreistur ímóti, og hvussu ger hon tað? Hvat man Noora halda um boðskapin í sanginum?
- Hvat ynskir Noora at fortelja við meminum á Instagram? Hví vil Noora ikki lata sær lynda við einans at "have fun", men vil hava “fundamental human rights”?
-
4Eftir
- Hvussu førir tú teg sjálvan fram á sosialu miðlunum? Hvørjar tankar gert tú tær í hesum sambandi?
- Kjakast tú eins og Noora um sjónarmiðini við vinir tínar? Kom við dømum.
- Kemur tú fram við tínum sjónarmiðum á sosialu miðlunum? Um ja, hvørji? Hví/hví ikki?
- Ger eitt meme við tínum yndissitati frá t.d. SKAM, ið sigur okkurt um nakað, ið tú heldur hava týdning. Tak nál og garn, býantar ella snildfon og ger eitt meme. Brúka t.d. appina Cross Stitch Maker ella eitt annað meme-tól.
- Deil títt meme við onnur norðurlendsk ung á Instagram við hashtag #nordeniskolen, og ger viðmerkingar til onnur boð við sama hashtag.