SKAM 7: De fleste nordmenn er rasister!

Tit kunnu læra at

• lesa og týða norska norska teks-samtalu frá SKAM
• skilja týdningin av hijab, Imam, rasist og homofob
• kjakast um hugsanarháttin handan rasismu og fordómar
• samskifta við onnur í Norðurlondum á SKAM-blogginum

Sana og Isak tosa í filmskutinum um nøkur hugtøk, ið tit mugu skilja týdningin av, áðrenn tit síggja filmsbrotið.

• Hvat merkja hugtøk sum hijab, Iman, racistur og homofob. Brúkið netið.

Hyggið at filmskutinum og lesið tekst-samtaluna

• Yvirsetið teks-samtaluna til tykkara mál. Býtið tekstin upp í minni brot, so ein bólkur av næmingum yvirsetir ein styttri part hvør. Skrivið á eitt felags skjal, t.d. í Google Docs.
• Gerið samstundis ein orðalista við teimum norsku orðunum, ið eru neyðug fyri at skilja tekstin. Brúkið t.d. Google Translate.
• Framførið umsettu samtaluna sum ein útvarpsleik fyri flokkinum.

Svarið nú upp á hesar spurningarnar

• Hvussu upplivir Sana tað at vera ein muslimsk genta í Noregi?
• Hvat er, sambært ávikavist Sana og Isak, líkheitirnar og munirnir millum at vera ein muslimsk genta og ein samkyndur drongur? 
• Hvat svarar Isak, tá Sana sigur, at “de fleste nordmenn er rasister”?
• Hví heldur Isak, at tað ikki er løgið, at nógvir norðmenn eru bangnir fyri muslimum?
• Hví heldur Isak, at nógv eru bangin fyri at spyrja muslimar um nakað?
• Hví heldur Isak, at tað er av týdningi, at Sana svarar tápuligum (rasistiskum) spurningum?
• Hvat heldur Sana um tað, ið Isak sigur? Hvat halda tit?
• Hví heldur Sana, at Isak ljóðar eins og ein Imamur?
• Hvat halda tit um tað, Isak sigur: “Så fort du begynner å lete etter hat, så finner du det. Når du finner hat, begynner du å hate selv.”? Kenna tit onnur dømi um hetta skilvísið, t.d. frá tykkara egna lívi?
• Hvussu reagerar Isak uppá, at Sana heldur, at Isak er álopin, tí hann er samkyndur? Hvussu reagerar hann øðrvísi øðrvísi enn Sana upp á at verða vístur úr russebus-bólkinum?
• Hvat kann orsøkin vera til, at tey reagera so ymiskt?

Á SKAM-blogginum kunnu hyggjararnir skriva viðmerkingar til tey einstøku filmskutini. Rættiliga nógv hava gjørt tað, tí so nógv er at tosa saman um í SKAM. Tey flestu skriva á norskum, men har eru eisini fólk úr øðrum Norðurlondum. Tit skulu nú fara innar og lesa og gera viðmerkingar til nakrar av viðmerkingunum.

Fakta: Skam varð fyrstu fer víst sum eitt netdrama í “real-time” á blogginum. Tað vil siga, at stutt kut ("webisoder", ið eru skild sundur við dagfesting í gulari skrift) vórðu víst á SKAM-blogginum samstundis, sum tey ganga fyri seg í sendirøðini. Á bloggin ber eisini til at lesa samskiftið, sum høvuðspersónurin hevur við vinirnar á Instagram og Messenger, sum annars ikki er ein partur av sendirøðini. Á henda hátt er SKAM ein slóðbrótandi ungdómsrøð.

Farið saman tvey og tvey.

• Farið inn á bloggin og lesið nakrar av viðmerkingunum til filmskutið: http://skam.p3.no/2017/06/02/fakker-over-vennene-sine/#comments. Har eru nógvar viðmerkingar, so tit kunnu byrja ymsa staðni í tráðnum.
• Finnið eina viðmerking, sum tit halda er serliga áhugaverd, provokerandi ella hevur eina øðrvísi áskoðan til málið. 
• Skrivið eitt svar til viðmerkingina, har tit siga, hvat tit halda um málið. Skrivið gjarna á tykkara egna máli.
• Vísið viðmerkingina og svar tykkara fyri restini av flokkinum. 
• Eru upplivingarnar hjá Sana av at verða viðfarin rasistisk, viðkomandi fyri ungar muslimskar kvinnnur í tykkara landi? Komið við dømum. 
• Hvat vita tit um støðuna hjá muslimskum kvinnum í øðrum pørtum av heiminum?