Texti
Myndband
Leikir og þrautir
Samkeppni
Hljóðupptaka
Verkefni
Kennsluleiðbeiningar

Gleymt lykilorð?

 

Kennslumarkmið

{{learningObjectiv.description}}

Verkefninu hefur nú verið skilað

{{assignment.Index}} {{assignment.Type}}

Athugasemd

Verkefni

{{assignment.Comment}}

Norðurlöndin í akríl

norden i akvarell.jpg

Lýsing


Með litum og formum býður Norðurlöndin í akríl upp á listrænan könnunarleiðangur í nærumhverfinu. Nemendur draga upp myndir af mikilvægum hlutum í lífi sínu með akrílmálningu og lituðum pappírsbútum. Hver nemandi býr til sitt eigið verk, en afrakstrinum er svo raðað saman í stórt listaverk.

 

Norðurlöndin í akríl er tilvalið ferli fyrir vinabekkjasamstarf og gefur nemendum tækifæri til að spegla sig í listrænni tjáningu  jafnaldra sinna á Norðurlöndum.

 

Ferlið

 

Einstaklingsvinna:  

  • Farið út og skoðið ykkur vel um. Finnið lit sem ykkur sýnist vera mest áberandi eða mikilvægastur í umhverfinu á þeirri stundu. Þetta á ekki að taka meira en fimm mínútur.
  • Búið ykkur undir að mála mynd í þeim lit sem þið völduð, en þið getið einnig bætt við þremur öðrum litum ef ykkur sýnist svo.
  • Málið mynstur á svart A3-karton
  • Leyfið málningunni að þorna og sækið ykkur hvítt A3-karton.
  • Á hvíta kartonið skuluð þið teikna þá 10 tíu hluti sem skipta ykkur mestu máli í lífinu. Gætið að því að hafa stærð þeirra á bilinu 3-7 sm.
  • Litið teikningarnar og dragið þær upp með svörtum túss.
  • Klippið þær út og raðið þeim saman í einn bunka 

Saman:

  • Kennari safnar öllum akrílmyndunum saman í eitt stórt listaverk. Bekkurinn ákveður í sameiningu hvernig best sé að púsla þeim saman svo þau myndi eina álitlega heild.
  • Þegar heildarmyndin er klár má líma málverkin á þunnnan pappa. Notið límstifti til að líma þær í þerri röð sem ákveðin hefur verið. Notið allan flötinn á pappanum.
  • Útbúið ramma utan um verkið á fram- og bakhlið þess með þykku teipi (það styrkir myndina og auðveldar að hengja hana upp þegar þar að kemur)
  • Fjórir nemendur ákveða í sameiningu hvar koma skuli litlu teikningunum fyrir á stóru myndinni til að litasamsetning þeirra, lögun og uppröðun myndi saman tilkomumikla heild. Límið teikningarnar á myndina.
  • Finnið hentugan stað í skólanum þar sem þið getið hengt upp listaverk ykkar. Til þess má t.d. nota fiskilínu.
  • Hvaða hugmyndir vakna hjá ykkur þegar þið virðið listaverkið fyrir ykkur og hvernig haldið þið að það tæki sig út annars staðar á Norðurlöndunum? 

 

Fyrir vinabekkjasamstarf

 

Fyrir þá sem eiga í vinabekkjasamstarfi er tilvalið að skiptast á listaverkum við vinabekkinn.

  • Hengið listaverk vinabekkjarins upp í stofunni og berið það saman við afrakstur ykkar
  • Hvað finnst ykkur verk hins bekkjarins?
  • Komið skoðunum ykkar og hugmyndum á framfæri við vinabekkinn með því að skrifa honum bréf eða spjalla saman í myndspjalli.
Skráðu þig inn til að sjá fleira

Þakkir fá: Kom med det gror i Nord

Höfundur: L. Wernblad, B. Aggerbæk, J. Bachmann & B. F. Johannesen

Framleitt árið: 2019

Kennslufræðiráðgjafar: Dorthe Lilli Lambertsen

Markmið

  • Að skerpa sýn nemenda á sitt eigið land í samanburði við Norðurlöndin
  • Að efla getu nemenda til að hanna tjáningarríkt mynstur með einföldu litaspjaldi
  • Að sýna nemendum að litlar myndir þeirra geti orðið hluti af mun stærra samhengi
  • Að nemendur velti fyrir sér hvað skiptir þá sjálfa máli og hvað geti verið mikilvægt fyrir börn annars staðar á Norðurlöndunum


Undirbúningur

  • Finnið heppilegan stað fyrir afraksturinn
  • Undirbúið vinnusvæðið: hver nemandi á að hafa aðgang að þó nokkrum hjálpartækjum til að vinna málverk sín. Tínið til það sem til þarf og þekjið þá fleti, þar sem nemendur munu vinna.

 

  • Hafið samband og vinnið í samstarfi við vinabekk (valfrjálst)


Efni

  • Svart og hvítt A3-karton handa hverjum nemanda
  • 1 stór og annar lítill pensill handa hverjum nemanda
  • Akrýlmálning
  • Skæri
  • Skál undir málningu
  • Vinnupappi til að þekja svæðið þar sem nemendur koma til með að mála
  • Svuntur
  • Litablýantar
  • Svartir tússpennar
  • Límstifti
  • Svart teip
  • Fiskigarn