Texti
Myndband
Leikir og þrautir
Samkeppni
Hljóðupptaka
Verkefni
Fagbókmenntir
Kennsluleiðbeiningar

Gleymt lykilorð?

 

Næsta skólaspjall

11. nóvember 2021

Norrænt loftslagsspjall

Klimadag

Skráið bekkinn HÉR. Aðgangsupplýsingar til að deila með nemendunum finnur þú undir 'aðgangurinn minn', allir nemendur þínir geta notað sömu aðgangsupplýsingar-

 

Menntun er lykilþáttur í því að stuðla að sjálfbærri þróun, eins og kemur fram í lið 4.7 í heimsmarkmiðum Sameinuðu þjóðanna fyrir árið 2030. Til að leggja sitt af mörkum vinnur Norden i skolen nú að norrænu loftslagsspjalli fyrir grunnskóla á Norðurlöndunum ásamt Ferða- og útivistarfélagi Danmerkur (Friluftsrådet). Þar verður lögð áhersla á heimsmarkmið Sameinuðu þjóðanna um sjálfbæra þróun.

Norrænt loftslagsspjall     

11.11.2021 kl. 13-14 (Mið-Evróputími) 
Markmið 13 + 12 + 7 (norræni loftslagsdagurinn) 


Norrænt loftslagsspjall – til hvers?

Loftslags- og umhverfismál eiga erindi við allar þjóðir og krefjast samvinnu og samskipta þvert á landamæri. Í norrænu samstarfi hefur enda verið lögð mikil áhersla á það. Samvinna byggir á krafti fjöldans og ef við tökum höndum saman er líklegra að við getum haft áhrif á alþjóðavettvangi, um leið og við lærum hvert af öðru.

Norrænn vinkill í kennslu um loftslags- og umhverfismál, með áherslu á samvinnu, sameiginlegar áskoranir og lausnir, er grundvallandi þáttur í þessu og gefur nemendum um leið bæði verkfæri og rödd til að láta að sér kveða í umræðu um þessi málefni, jafnt í dag sem til lengri tíma litið. Líkt og dæmin hafa sýnt að undanförnu getur ungt fólk einmitt verið mikilvægur boðberi breytinga.


Markhópur og námsefni

Spjallið er ætlað nemendum í 7.-10. bekkjar í Svíþjóð, Danmörku, Færeyjum, Grænlandi, Finnlandi og á Álandseyjum, og 8.-10. bekkjar í Noregi og á Íslandi. Öllum nemendum á Norðurlöndum er velkomið að taka þátt, en ætlast er til að samskiptin fari aðallega fram á dönsku, norsku og sænsku.

Í norræna loftslagsspjallinu er lögð áhersla á bæði norrænan málskilning og sjálfbæra þróun. Það er tilvalið fyrir þverfaglega samvinnu milli kennara í náttúrufræðigreinum, samfélagsfræði og íslensku (móðurmálsgreinum).

 

Umræðuspurningar

Fyrir þá sem vilja undirbúa bekkinn sinn aukalega, er hægt að þjófstarta spjallinu og skoða spurningarnar hér

1. Hvaða vandamála mun hlýrra loftslag leiða til?
2. Hverjir eru það sem finna harðast fyrir loftlagsbreytingum?
3. Hverjir bera ábyrgð á því að halda hnattrænni hlýnun í skefjum?
4. Finnur þú fyrir kvíða vegna loftslagsbreytinga, hvað er það sem veldur mestum kvíða?
5. Hvers vegna er  mikilvægt að fjöldi ólíkra dýra, skordýra og plantna fyrirfinnist á jörðini (líffræðilegur fjölbreytileiki)?
6. Er það hinn ríki eða fátæki hluti heimsins sem ber stærsta ábyrgð á losun gróðurhúsalofttegunda?
7. Hvernig myndir þú vilja þú að heimurinn liti út árið 2050?
8. Hvernig heldur að ferðalög muni ganga fyrir sig árið 2050?
9. Hvernig heldur þú að matarvenjur okkar muni vera árið 2050?
10. Af hverju þurfum við að hætta að brenna jarðefnaeldsneyti eins og kol og olíu?
11. Hvaða orkulindir heldur þú að muni veðra algengast í heimalandi þínu árið 2050, og af hvaða ástæðum?
12. Hvers vegna er mikilvægt að takmarka hnattræna hlýnun eins mikið og mögulegt er?
13. Hvað þarf stjórnmálafólk að gera til að hamla hlýnun jarðar?
14. Komið ykkur saman um þrjú málefni sem hafa góð áhrif á framtíð plánetunnar.
15. Komið ykkur saman um þrjú málefni sem hafa slæm áhrif á framtíð plánetunnar.