Texti
Myndband
Leikir og þrautir
Samkeppni
Hljóðupptaka
Verkefni
Kennsluleiðbeiningar

Kennslumarkmið

{{learningObjectiv.description}}

Verkefninu hefur nú verið skilað

{{assignment.Index}} {{assignment.Type}}

Athugasemd

Verkefni

{{assignment.Comment}}

SKAM 4: Ungdommens frihet og ansvar

Skráðu þig inn til að sjá fleira

Leikstjóri: Julie Andem

Framleiðandi: NRK

Framleitt árið: 2015-17

Teiknari/Ljósmynd: Norges grunnlov 17. mai 1814 (Wikipedia.org)

Kennslufræðiráðgjafar: Trine Ferdinand og Dorte Haraldsted

Myndir

Grunnloven_1814_plktr_05878.jpg

Verkefni

  • 1Markmið

    Þið getið:

    • Lesið og greint norska ræðu
    • Skilið uppruna norsku stjórnarskrárinnar og þjóðhátíðardagsins
    • Lært að orða og tjá gildi ykkar
    • Orðið meðvituð um samhengið milli hefða og einkenna
    • Lært að skrifa ávarp
  • 2Á undan

    Hér til hægri er mynd af stjórnarskrá Noregs.

    Staðreyndir: Í 400 ár voru Noregur og Danmörk hluti af sama ríkjasambandi og voru þau kölluð tvíburaríkin. Fyrst árið 1814 varð Noregur sjálfstætt ríki og fékk sína eigin stjórnarskrá. Þess er minnst og fagnað 17. maí, sem er stjórnarskrár- og þjóðhátíðardagur Norðmanna. Norðmenn klæða sig í þjóðbúninga og fagna deginum með skrúðgöngum, ís og pylsum. Þeir Norðmenn, sem búsettir eru erlendis, koma gjarnan saman og halda daginn hátíðlegan, t.d. á Skansinum í Stokkhólmi og með skrúðgöngu í Kaupmannahöfn.

    Norska stjórnarskráin er skrifuð á dönsku, sem var opinbert ritmál Norðmanna árið 1814. Í tímans rás hefur stjórnarskráin verið endurskoðuð, en málið á henni er þó enn 19. aldar danska. Það heyrir til undantekninga að stjórnarskrá sé ekki rituð á opinberu máli landsins, en þetta kann þó að skýrast af því að Noregur tók upp tvö ritmál á 19. öld, bókmál og nýnorsku.

    • Hvernig er þjóðhátíðardagurinn haldinn hátíðlegur á Íslandi? En er stjórnarskrárinnar sérstaklega minnst?
    • Leitið að myndum og myndböndum frá þjóðhátíðardegi Norðmanna og athugið hvernig Norðmenn halda daginn hátíðlegan.
    • Eru aðrir hátíðisdagar eða hefðir á Íslandi, sem styrkja samhug og félagsanda Íslendinga?
  • 3Á meðan

    Verkefni úr myndbrotinu

    • Hvernig má sjá að myndbrotið er frá þjóðhátíðardegi Norðmanna?
    • Hvaða hefðir eru nefndar í myndbrotinu?
    • Eva, Chris og Sana eru allar í bunad, norska þjóðbúningnum, sem sýnir frá hvaða byggðarlagi eða landshluta ætt viðkomandi er. Hvers vegna heldur þú að stúlkurnar séu í þjóðbúningi og er það af sömu ástæðu?

    Verkefni úr ræðunni

    • Þýðið ræðuna yfir á íslensku. Skiptið henni niður á nokkra hópa, sem þýðir sinn hluta hver. Notið gjarnan sameiginlega skrá á vefnum, t.d. Google Docs. Takið einnig saman glósur með þeim orðum, sem nauðsynleg eru til að skilja ræðuna.
    • Hver hópur velur einn ræðumann til að lesa ræðubútinn á móðurmálinu fyrir bekkinn.

    Svarið eftirfarandi spurningum

     

    • Til hvers hefur ungt fólk frelsi?
    • Á hverju ber það ábyrgð?
    • Hvaða hlutverki gegnir Facebook í ræðunni?
    • Með hvaða hætti beinir ræðan sjónum ungmenna að stjórnarskránni?
    • Á hvaða gildum byggist norska stjórnarskráin?
    • Við hvað er átt með orðunum: „mennesker trenger mennesker“?
    • Hver er boðskapur ræðunnar? (Ath. Hann getur verið margþættur)
    • Eruð þið sammála honum?
  • 4Eftir

    Líkt og ráða má af ræðunni er það undir ungu fólki komið að skera úr um ráðandi gildi komandi kynslóða.

    • Leggið hugann í bleyti og skrifið niður þau gildi, sem þið teljið að verði mikilvæg í framtíðinni.
    • Skrifið ávarp eða stefnuyfirlýsingu þar sem þið gerið grein fyrir þeim gildum, sem ykkur finnst að samfélagið ætti að byggja á í framtíðinni.