Texti
Myndband
Leikir og þrautir
Samkeppni
Hljóðupptaka
Verkefni
Kennsluleiðbeiningar

Kennslumarkmið

{{learningObjectiv.description}}

Verkefninu hefur nú verið skilað

{{assignment.Index}} {{assignment.Type}}

Athugasemd

Verkefni

{{assignment.Comment}}

Vinátta (leiðbeiningar fyrir kennara)

Bekkur: 8.-10. bekkur Námsgrein: Íslenska Þema: Vinátta Tegund: Kennsluleiðbeiningar

KYNNING

„Að svipta lífið vináttunni er líkt og að svipta jörðina sólunni“ skrifaði rómverski hugsuðurinn Cíceró árið 30 f.Kr. Í þemanu Vinátta er fjallað um hvaða þýðingu vinátta hefur fyrir okkur. Hvað þýðir það að vera vinir? Til hvers þarf maður eiginlega vini? Hvað einkennir góða vináttu?

Námsefnið er á dönsku, norsku og sænsku, og fjallar um vináttu og sambönd milli fólks. Maðurinn er félagsvera, sem þarfnast einhvers sem honum þykir vænt um, og einhvers, sem þykir vænt um hann, til að líða vel. Í þemanu velta nemendur fyrir sér þætti vináttu í lífi okkar.

  

 

MARKMIÐ

Markmið námsefnisins er að kynna nemendur fyrir ólíkum tilfinningum og ólíkri reynslu, sem tengist vinasamböndum. Þeir eru hvattir til að íhuga og ræða ábyrgð okkar gagnvart vinum okkar og öðrum. Námsefnið er á dönsku, norsku og sænsku, bæði rituðu og mæltu máli. Því er ætlað að stuðla að auknum málskilningi nemenda sem og að auka skilning þeirra á þýðingu fólks hvert fyrir annað.

 

 

UPPBYGGING NÁMSEFNISINS

Vinátta samanstendur af textuðum stuttmyndum auk þess sem talið fylgir, sem skrifaður texti, ásamt útdráttum úr skáldsögum og upplesnum smásögum. Ekki er nauðsynlegt að fara í gegnum allt efnið. Norden i Skolen stingur upp á tveimur leiðum: Vinur eða óvinur eða Vinátta og ábyrgð. Kennurum er frjálst að velja eina af leiðunum eða þá einstaka efni, allt eftir því hvað hentar bekknum best hverju sinni.

 

Leið 1: ’Vinur eða óvinur´

  • Veljið norsku stuttmyndina ’To mot en’, dönsku smásöguna ’Veninder’, sænsku smásöguna ’Liten julnovell’ og danska textann ’Blå øjne’. Í verkefnunum sem fylgja er lögð áhersla á vináttu, einelti og samkeppni, og hvernig við höfum öll ákveðnu hlutverki að gegna hvert gagnvart öðru. Ef tími gefst til má bæta við leið 2.

 

Leið 2: ’Vinátta og ábyrgð´

  • Veljið dönsku stuttmyndina ’Akvarium’, sænsku smásöguna ’Miriam och jag och världen’ og útdráttinn úr norsku skáldsögunni ’Ingen dager uten regn’. Í verkefnunum er lögð áhersla á kraftinn sem felst í að styðja hvert við annað og hjálpa hvert öðru. Þau gefa tilefni til að hugleiða þá ábyrgð, sem við höfum hvert gagnvart öðru sem vinir og samborgarar. Til viðbótar við þetta efni er áhugavert að horfa á stuttmyndina ‘To mot en’ til að velta enn frekar fyrir sér hugtökunum vináttu og ábyrgð.

 

 

VERKEFNI OG HLJÓÐORÐABÓK

Hverju efni fylgja fjögur verkefni og er neðangreind skipting þeirra eingöngu til viðmiðunar.

  • Málskilningur og menningarlæsi
  • Inn í textann (kynningarhluti)
  • Kafað í textann (greiningarhluti)
  • Út úr textanum (yfirsýn)

 

Sérstök hljóðorðabók er tengd textunum og er undir nemendum komið hvort þeir nýta sér hana eður ei. Með því að ýta á þau orð, sem eru appelsínugul, opnast lítill kassi, þar sem heyra má orðin og sjá þýðingu þeirra á bókmáli, nýnorsku, dönsku og sænsku.

 

Skráðu þig inn til að sjá fleira

Kennslufræðiráðgjafar: Stefan Åge Hardonk Nielsen

Höfundur verkefnis: Norden i Skolen

Gefið út: 2018