Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Suliaq pillugu atuakkiat
Ilinniaetitsunut ilitsersuut

Glemt password?

 

Anguniakkat

{{learningObjectiv.description}}

Suliaq tunniunneqarpoq

{{assignment.Index}} {{assignment.Type}}

Oqaaseqaat

Suliassat

{{assignment.Comment}}

Illumi ataataq arfineq aappassaat

syvende_far.png
Nipimik appissineq

Ilaannigooq angut pisulluni angalaarpoq. Pisoriillarluni taamaallunimi naasorissaasut illorsuanut kusanartumut apuuppoq; taanna illorsuaq kusanangaarmat illussaarsuaaqqatulluunniit taaneqarsinnaangajappoq. ”Tamanna qasuersaarfigissallugu ajussanngilaq,” taama oqaatigaluni naatsiiviup matuatigut appakaappoq. Naapileriaqaa angut utoqqaq qasertuinnarnik nujalik umilillu, asulu qisussaminik ulimalluni. ”Ataatoqaq inuugujoq,” angut angalaartuusoq oqarpoq nangillunilu:”Maani unnuisinnaanerpunga”


”Maani illumi uanga ataataanngilanga,” oqarpoq nangillunilu: ”igaffimmut iseriarlutit ataataga aperiaruk”

Taama peqquneqariaraami iggavimmut appakaappoq. Pileriallaqaa angut suli utoqqaaneq tamaaniittoq, asulu killuup saavani seeqqummerluni innermik supooriuaannguartoq.


”Haluu ataatoqaq, maani unnuisinnaanerlunga?” Angut angalaartoq apereqqittaraaq.
”Maani illumi uanga ataataanngilanga” utoqqaq akeratarpoq nangillunilu: ”ataataga aperiaruk, taanna inimi isersimaartarfimmi nerriviup saavani issiavoq.”


Taama pineqaqqoriarmat angut inimut appakaappoq utoqqarlu nerriviup saavani issiasoq oqaluutilerlugu. Taanna siullernit utoqqaaneroqaaq, asulu utoqqarpalungaarmat atuagarsuaq atuakkani sajukulaartuinnaalluni qupperarusaartillugu, allaanngilarmi meeraarannguaq.

 

”Haluu ataatoqaq, maani unnuisinnaanerpunga?” angut apereqqittaraaq.


”Maani illumi ataataanngilanga; ataatagali naatsiivimmi issiavimmiittoq aperiaruk” angutitoqaq nerrivimmi sajuttuinnaalluni issiasoq taama akeratarpoq.


Angalatoorlumi taama peqquneqarmat innersuussutigineqartumut appakaappoq. Tikitaatali tupamininnguanik noqqaalerpoq, taannannguakkululli utoqqaangaarmat napasinnaarpianngilaq sajungaarmallu pujortaatiniluunniit iluamik tigummisinnaarpiarpasinnagu.


”Haluu ataatatoqaq” angalatooq oqaqqittaraaq. ”Maani unnuisinnaanerpunga?” apereqqillunilu.


”Maani illumi uanga ataataanngilanga” angutitoqaq napasinnaarpianngitsoq taama akeratarpoq nangeqqillunilu: ”ataatagali apereriaruk, taanna siniffimmi nalarujoorpoq.”


Angalatooq siniffimmut appakaammat pileriallaqaa angut utoqqarujorujussuaq nalasoq, iserujussuiliukua kisimik takoqqusuusillutik.

 

”Haluu ataatatoqaq, maani unnuisinnaanerpunga?” angalatooq apereqqittaraaq.


”Maani uanga ataataanngilanga, ataatagali meeraaqqap siniffianiittoq aperigaluarsinnaavat,” utoqqarsuaq iserujussualik taama akeratarpoq.


Angalatooq meeraaqqap siniffianut appakaatiinnaqaaq. Pileriallaqaa angut utoqqarmut qumarsimangaarmat meeraaqqatut angitigiinnalersimasup saavaniilluni, unalu pisaa utoqqaangaarmat nippalaartanngitsuuppat toqungasorinarsinnaalluarluni.

 

”Haluu ataatoqaq, maani unnuisinnaanerpunga?” angalatooq apereqqittaraaq.


Angutitoqarli pilluni pilluni akeratarpoq, asulu nammineq aamma ataataneranngeriarluni ima nangilluni: ”ataataga oqaloqatigeriaruk, taanna iikkami nassummi nivingarujoorpoq.”

 

Angalatuup iigaq qimerloormagu nassuk pisaa takulerpaa. Nassuulli iluaniittoq takummagu pileriaqaa qisumineruna inuup kiinaatut isikkulimmik iluseqartoq.


Takusaminnut tupangaarmat nilliaasaannaq ima aperaaq: “Inuugujoq ataatoqaq! Maani unnuisinnaanerpunga?”

 

Taava nassuup iluaniit timmiaaqqatut qataatsigaluni tusarsaanngingajattumik ima akisoqarpallappoq: ”Qitornara taamaasiukutsoorniarit!”


Taamaasiniariartoq nerrivik eqqunneqarpoq, asulu nerisassanik mamarunarluinnartunik ulikkaartoq qaavatigullu immiaaqqat imigassanillu kimittuut aaaku, angalatooq nerillunilu imereermat siniffitsialak tuttut amiinik oqorutilik eqqunneqarmat angalatooq nuannaajummerpoq, qujallunilu kiisami illumi ataataasoq eqqortoq nassaarisinnaasimammagu.

Loginerit takusaqarnerorusullutit

Allattoq: Asbjørnsen & Moe

Saqqummersitsisoq: Norden i Skolen

Saqqummerfia: 2015

Assit

220px-K_Bergslien_Asbjornsen_1870.jpg

Suliassat

  • 1Suliakkiissutit

    Ataatsimut:

    • Norskisut oqaluttualiamut tusarnaaritsi.
    • Oqaluttualiami suna pineqarpa? Allattarfissuarmut allattuigitsi.
    • Suna paasiuminarpa?
    • Oqaatsini suut paasiuminaappat? - allattarfissuarmut allattorsigit.
    • Oqaatsit nalunartut atuartut akornanni agguaanneqassapput, isumaasa paasiniarnerini ordbog atorneqassaaq - allattarfissuarmut allanneqassapput.
    • Oqaluttualiaq tusarnaaqqissiuk.
    • Aappassaanik tusarnaarnerani paasisat qanoq ippat?

    Eqimattatut:

    • Asbjørnsen Moelu kikkuunersut paasiniarsigit.
    • Sooruna ullumikkut Norgemi inuit taakku marluk tusaamasaasut?
    • Inuit oqaluttualiaanni sunik katersuisimanersut paasiniarsigit - nalunngisaqarpisi?