Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Suliaq pillugu atuakkiat
Ilinniaetitsunut ilitsersuut

Glemt password?

 

Anguniakkat

{{learningObjectiv.description}}

Suliaq tunniunneqarpoq

{{assignment.Index}} {{assignment.Type}}

Oqaaseqaat

Suliassat

{{assignment.Comment}}

Pjaltehætte (Pinniitsumik nasartaatilik)

Lurvehette 3-001.jpg
Nipimik appissineq

Ilaannigooq meeraatsunik kunngeqarpoq dronningeqarlunilu, dronningillu tamanna aliasuutigingaaramiuk akunninnguarmilluunniit nuannaarfeqarpiartanngilaq. Kunngeqarfimmi nipaattuaannarnera naammagittaalliuutigiuarpaa; ”ila, meeraqartuugutta inoqarpalaarnerussagaluarpugut,” oqartarpoq.

Kunngeqarfimminni angalalluni sumut aallaraluaraangami, Guutip tunissutaannik meeraqartuaannarpoq, allaat piitsuunerpaat inaanni; sumukaraluaraangamilu, tusaajuarpai arnat meeqqaminnik naveerserpaluttut, kukkussutaannik oqaluullugit. Dronningilli tamanna nuannarivippaa, namminerlu aamma misilikkusulerlugu.

Naggataatigut kunngip dronningillu niviarsiaraq nalusartik piliuuppaat; taanna kunngeqarfimminni pigerusuppaat, perorsarlugu namminnerlu pimisut naveerlugulu oqaaqqissaarusullugu.

 

Ullut ilaanni niviarsiaraq namminneq pimmisut tigusimasaat, illussaarsuup aneerasaarfiannut iipili guultimit sanaaq pinnguaralugu arpassimavoq. Taava arnaq qinusartoq saneqqussimavoq; aamma niviarsiaqqamik ilaqarsimavoq, sivitsunngitsorlu niviarsiaqqat kammagiilersimapput pinnguaqatigiilerlutillu iipili kuulti akunnerminni assakaateqattaalerlugu. Dronningip illussaarsuup igalaavaniit itsuannisaarluni tamanna takusimavaa; igalaakkullu kasuttoriarluni panissiani majuaqquaa. Niviarsiaraq majuarpoq kisiannili niviarsiaraq qinusartoq tasiorlugu iseqatigaa.

 

Dronningip panissiani naviilerpaa; ”qinusartuarakasimmik pinnguaqateqassanngilatit,” oqarpoq niviarsiararlu piitsoq anisinnialerlugu.

 

”Dronningip anaanama piginnaasai ilisimagaluarunigit anisissanngikkaluarpaanga,” niviarsiaraq oqarpoq, dronningilli apersulermani oqaluttuarpoq anaanaata dronningi meerartaarsinnaanngortissinnaagaa. Dronningilli tamanna upperiumanngilaa, niviarsiararli uteriippoq ilumoornerarluni, dronningilu anaanaminut siunnersortinniarsareqqullugu”

 

Dronningillu anaanaa aaqquaa.
"Nalunngiliuk paniit qanoq oqalunnersoq," arnaq inimut isermat aperaa.
Naamik qinusartup naluaa.
"Oqarpoq piumaguinngooq meerartaarsinnaalertissinnaagimma," dronning oqarpoq.
"Dronningip niviarsiaqqap qinusartup oqaasii tusarnaartussaanngikkaluarpai," arnaq oqarpoq ingerlallunilu.


Dronningi kamalerluni niviarsiaraq anisinniarsaraa, niviarsiaqqalli eqqortumik oqalussimanini suli attappaa.
"Dronningip anaanaga sassaallerfigilaaginnassavaa nuannaalersillugu, taava siunnersuerusulissaaq," niviarsiaraq oqarpoq

 

Dronningip tamanna misilikkusuppaa. Qinusartoq iserteqqinneqarpoq viinninilllu nerisassanillu sassaallerfigineqarpoq, sivitsunngitsorlu oqalulerpoq.


Dronningillu apeqqutigisimasani uteqqippaa.
"Ataasinnguamik siunnersuutissaqarpunga,” qinusartoq oqarpoq.

"Dronningip unnukkut innannginnermini baaliat marluk imermik immersimasut eqquteqqussavai. Taakkunani uffassaaq kingornalu imikui siniffimmi ataanut ilissavai. Ullaakkut taava takussavai marlunnik naasoqalersimasut, kusanartoq kusanaatsorlu. Kusanartoq nerissavaa kusanaatsorlu uninngatillugu. Kingullerlu puigorniaqinagu!" qinusartoq oqarpoq.


Aap dronningip siunnersuutaa malippaa unnukkut innannginnermini baaliat marluk imermik immersimasut eqquteqquai taakkunani uffarpoq kingornalu imikui siniffimmi ataanut ilivai, ullaakkullu iterami takuai marlunnik naasoqalersimasut, aappaa kusanaappoq pinniitsunik qernertunik pilutaqarluni aappaalu aappaluttoq qaamasuuvoq takunikuunngisaannarsimavorlu taamak kusanartigisumik, ingerlaannarlu nerivaa. Naasorlu kusanartoq mamangaarmat aamma aappaa nererusulerpaa nerillugulu. - "allanngortoqarnavianngilaq," eqqarsarpoq.


Piffissaq ingerlavoq dronningilu naartulerpoq. Siullermik panittaarpoq alussaammik tigummiartoq anguteralaap qaani issiasoq; assut pinniippoq inunnguinnaavillunilu, suaarpoq: "Anaana!"


"Anaanagigumma Guutip sernigilinga!" dronning oqarpoq.
"Aliasuutigissanngilat alla pinnersoq takkutissaaq," anguteralaap qaaniittoq niviarsiaraq oqarpoq.

 

Kingunitsianngua dronning allamik panittaarpoq; aatsaat taamak pinningaartumik meeqqamik inunngortoqarpoq; paasinartumillu dronningip taanna nuannareqaa.

Angajulleq pinniillunilu pillingajaaqimmat, pinniitsumillu nasartaateqarmat atsersimavaat Pjaltehætte (Pinniitsumik nasartaatilik); taanna dronningip takorusunneq ajorpaa, kiffallu inimut allamut mattunniarsarisaraluarpaat, ajornaqaarli niviarsiaqqap qatanngutini nukarleq qimakkusuttanngilaa, niviarsiaqqallu avissaartitassaasimanngillat.

 

Niviarsiaqqat inuusuttunngoreersut juulliaqqap unnukkuani dronningip sinittarfiata silataani perpalulersimapput. Pjaltehætte aperivoq sunaana inersuarmi taamak nipitutigisoq. ”Å apeqqutigigaluarukku iluaqutaanngilaq,” dronning akisimavoq, Pjaltehætteli suna tamaat paaserusullugu uteriissimavoq, dronningilli akisimavaa silatiminni arnaqquassaat juullisiorpaluttorsuusut. Pjaltehætte-p qimaatinniarlugit uteriissimavoq, ilaasali unitsinniarsarigaluaraangamikku iluaqutaasanngilaq, qimaatikkusuuippai; dronning-ili peqquaa matut tamaasa matoqqaqqissaassagai. Alussaassuanilu tigullugu arnaqquassaat qimaatinniarsarilerpai, torsuusamilu tusarnikuunngisaannagarnik nipiliorujussuartoqalerpoq; qanngorpallarujussuarnerit perpalunnerit soorluliuna illussaarsuaq tamarmi isamissasoq. Qanorlu iliallanngitsoq matu ataaseq ammaminersimavoq Pjaltehættelli nukaata alakkarpaa angajuni qanoq ingerlanersoq paaserusullugu. Husj! Arnaqquassaaq sarsuppoq niaquerlugulu, nersuteeqqallu niaqua taarsiullugu, prinsesselu ingerlaannaq inimi uiannisaalerpoq. Pjaltehætte iseqqikkami nukkani takullugu kamalluni naveersilerpoq, paarilluarsimanngimmassuk, apersorlugit nukkami nersuteeranngorsimanera nuannarineraat.

”Ajunngilaq, taavami annaattariaqarpara,” oqarpoq. Kunngiminngaanniit umiarsuarmik atortorissaaruteqarluartumik qinuvoq; aquttoqarusussimanngilarli sulisoqarusunnanilu, nukkani kisiat ilagalugu aallarumavoq, naggataatigullu akuerisariaqarsimavaat. 

Loginerit takusaqarnerorusullutit

Saqqummersitsisoq: Norden i Skolen

Allattoq: Asbjørnsen & Moe

Saqqummerfia: 2015

Assit

Asbjoernsen_a_Moe_Foto_Wilse_Folkemuseet.jpg

Suliassat

  • 1Suliakkiissutit

    Ataatsimut:

    • Norskisut oqaluttualiamut tusarnaaritsi.
    • Oqaluttualiami suna pineqarpa? Allattarfissuarmut allattuigitsi.
    • Suna paasiuminarpa?
    • Oqaatsini suut paasiuminaappat? - allattarfissuarmut allattorsigit.
    • Oqaatsit nalunartut atuartut akornanni agguaanneqassapput, isumaasa paasiniarnerini ordbog atorneqassaaq - allattarfissuarmut allanneqassapput.
    • Oqaluttualiaq tusarnaaqqissiuk.
    • Aappassaanik tusarnaarnerani paasisat qanoq ippat?

    Eqimattatut:

    • Asbjørnsen Moelu kikkuunersut paasiniarsigit.
    • Sooruna ullumikkut Norgemi inuit taakku marluk tusaamasaasut?
    • Inuit oqaluttualiaanni sunik katersuisimanersut paasiniarsigit - nalunngisaqarpisi?