Martin Lund
{{learningObjectiv.description}}
{{assignment.Comment}}
KYNNING
Þemað Áskoranir og átök fjallar um alls kyns lífsbárattu og ólík vandamál. Hvernig tekst maður á við og sigrast á áskorunum í hversdagslífinu þegar þær skjóta upp kollinum? Hvað er ofurhetja/hvunndagshetja? Og hvaða afleiðingar geta ýkjur og slúður haft þegar ein fjöður verður að fimm hænum?
Áskoranir og átök er blanda af gríni og alvöru. Námsefnið getur nýst til að hefja umræðu um ólíka hluti á borð við hvernig slúður verður að einelti sem stigmagnast, dýrasiðferði, persónulegar áskoranir og það að gera drauma sína að veruleika þó aðrir dragi þá í efa.
MARKMIÐ
Markmið námsefnisins er að nemendur læri um þær áskoranir og erfiðleika, sem orðið geta á vegi manns í lífinu, hvernig bregðast megi við og sigrast á þeim. Þá fá nemendur tækifæri til að velta fyrir sér lífsbaráttu aðalpersónanna og hvernig þeir hefðu breytt sjálfir í þeirra stöðu.
Námsefnið er á dönsku, norsku og sænsku auk finnsku og íslensku. Í verkefnunum sem fylgja er bæði unnið með tungumálið og innihald efnisins. Því er ætlað að stuðla að bæði auknum málskilningi og menningarlæsi nemenda.
UPPBYGGING NÁMSEFNISINS
Námsefnið samanstendur af fjórum stuttmyndum, tveimur útdráttum úr smásögum og ævintýri. Ekki er nauðsynlegt að nota allt efnið. Norden i Skolen leggur til tvær leiðir: ‘Barátta’ og ‘Áskorun’. Kennurum er frjálst að velja aðra hvora leiðina eða þá einstaka mynd/sögu, allt eftir því hvað hentar bekknum best hverju sinni.
Leið 1: 'Barátta'
Leið 2: ’Áskorun’
VERKEFNI OG HLJÓÐORÐABÓK
Verkefni fylgja ölu efninu, sem bæði má vinna sjálfstætt eða í hóp. Í þeim er lögð áhersla á mál, menningu og hefðbundna textagreiningu.
Sérstök hljóðorðabók er tengd textunum og er undir nemendum komið hvort þeir nýta sér hana eður ei. Með því að ýta á þau orð, sem eru appelsínugul, opnast lítill kassi, þar sem heyra má orðin og sjá þýðingu þeirra á bókmáli, nýnorsku, dönsku og sænsku.