Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Suliaq pillugu atuakkiat
Ilinniaetitsunut ilitsersuut

Glemt password?

 

Oqaatsit Kulturilu pillugit

"Ilinniartitaanerup atuartut skandinaaviamut oqaasiinut piorsarsimassutsikkullu ataqatigiiffiannut periarfississavaai" (Ataatsimut anguniakkat 2009)


Ilinniarnerup pilersaarutaani anguniakkat

Ilinniartitaanerup iluani nunani avannarlerni skandinaaviamiut oqaasii(qallunaatut norskisut svenskisullu) aammalu piorsarsimassutsikkut ataatsimoorfii qitiulluinnartumik inissisimapput. Nunat avannarliit suleqatigiinnerata periarfissat ullutsinni meeqqat inuusuttuaqqallu ilinniartitaanerup qulakkiissavaai. Kisianni qanoruna ilinniartitaaneq atorniaripput?
Atortussiat suliassallu ataanni `Oqaatsit piorsarsimassuserlu` anguniagaavoq siunertaallunilu nunat eqqarleriit oqaasii qallunaatut norskisut svenskisut taamatuttaarlu piorsarsimassutsikkut ataatsimoorfiinik nukittorsaanissaq nutaanillu periarfissanik ujaasinissaq. Tassani nassaarisinnaavatit oqaasilereriaatsit, isiginnaagassioriaatsit suliassartallit, nunani avannarlerni isiginnaagassiat nutserinertallit nunat eqqarleriit oqaasaai ilikkarnartumik pinnguarnertallit kiisalu piffissalikkamik oqaluttuarisaanermi oqaatsinik allattariarsornerit assigiinngitsut.
Aammattaaq tassani nassaarisinnaavatit ini atuartitsivik piviusuusaartitaq , tassanilu attavigisinnaallugit ikinngutitut atuaqatit, atuartut ukioqatigiiaat nunani avannarlerni tamani isiginnaagassiakkut oqaloqatigiissinnaanerat allaqatigiissinnaanerallu.
Taakkua isaaviit assigiinngitsut takutippaat oqaatsit piorsarsimassusilerinerillu tamakkiisumik atuartitaanermut eqqarsariaatsit nunat eqqarleriit oqaasiinik ilikkarnartumik nalilimmik kiisalu pissanganartumik atuartitsineq. Oqaatigilluaannartigulu nunat eqqarleriit oqaasiinik ilinniartitsineq ilitsoqqussaralugu oqaasilerinermiik alaanerulluinnarmat.

 

Sammisat qallunaatut norskisut svenskisull

Suliani amerlanerpaani oqaatsit piorsarsimassutsilerinerillu ataanni oqaatsit akimorlugit pissanganartunngorlugillu suliaapput. Sammisani ataasiakkaani nassaassaapput suliat qallunaatut norskisut svenskisullu allatat oqaaserisallu, aammalu allaat amerlanertigut nunat allat avannarliit oqaasii nassaassaallutik. Aammattaaq ilinniusiorfik ukioq kaajaallallugu ilinniartitseriaatsinut assigiinngitsunut iluaqutaasinnaavoq aammalu anguniakkanut allanut nunat eqqarleriit oqaasiinaannuungitsoq piorsarsimassusermut ataqatigiiffianuunnaanngitsoq ilinniartitaanikkut anguniagaqarneq toqqammavilersinnaallugu.

 

Suliassat allattukkat isiginnaagassiallu

Sammisami pineqartuni suliassani tamani ineriartortitsisoqarnikuuvoq, atuartut namminneerlutik oqaatsit assigiissutaanni assigiinngissutaannilu paasissassarsiorsinnaanerannut. Ilinniarnerup pilersaarusiorneranni suliassat aaliangersimasut toqqammavilerneqarnikuupput suliassat ataasiakkaat tikkuunneratigut. (Takuuk: Ilinniarnerup pilersaarutaanni tikkuussinerit oqaatsinut piorsarsimassusermullu attuumassutillit suli piariinngimmata)

Suliassat eqimattanut sisamanut agguarneqarnikuupput. Taakkua eqimattat sisamat ilisarnartunngorlugit ilusilersugaapput aammalu qulakkeerlugu oqaasilerineq isiginnaagassialerinerlu qaffasissutsit assigiinngitsut aqqusaarnissaat.

 

1) Oqaatsinik piorsarsimassutsinillu pasinnissinnaaneq
Oqaatsinik piorsarsimassutsinillu paasinnissinnaanerup ajornanngitsumik pissanganartumillu nunat eqqarleriit oqaasiinik paasinartunngorsaaneq. Tassanilu siunnersuuteqartarumaarpoq sammisaqartitsinermut atuartut allakkiamik imaluunniit isiginnaagassiamut paasinnissinnaanerannut ikorfartuutaasussamik aammalu naliginnaasumik oqaatsit assigiinngissutaannut assigiinneranullu nunat eqqarleriit oqaassiinik piorsarsimassusiannullu paasinnissinnaanerannut.


2) Allakkiaq iserfigalugu

Allakkiap paasisinnaaneranut suliarisinnaaneranullu piumasaqaataavoq allatap ammasuunissaa. Taanna piffik taasimavarput `allataq iserfigalugu` Tassani atuartut nutserinerpalaartumik paasinnissinnaanertik allakkiamillu naliliisinnaanertik suliarissavaat.


3) Allakkiaq pulaffigalugu

Piffimmi tulliuttumi atuartut allataq pulaffigissavaat, taanna taavarput allakkiaq pulaffigalugu. Tassani atuagassalerineq isiginnaagassialerinerlu aammalu oqaatsinik inississuineq iluaqutissallu sammineqassallutik. Soorlu inunnik naliliisinnaaneq aammalu erinniukkanik paasinnissinnaaneq.

4) Allakkiamiit anillanneq
Piffik kingulleq taaneqartarpoq allagaq anillaffigalugu. Tassani atuartut allakkiap imarisaa isumaalu imminnullu sunniutaat paasiniassavaat.Tassanilu piffimmi allakkiap annerusumik sammisamut ilaaffimminnut isumalersussavaat.

 


Tusaasanik paasinninnerup sammineqarnerunera

Nunani avannarlerni atuarfiup annertunerusumik sammilernikuuaa oqaatsip atorneqartup aamma tusaasanik paasinnissinaanermut tunngasoq, suli paaseqatigiissinaanerup iluani nunani avannarlerni killeqarfiit pitarlugit ajornartorsiutaasup qulaajarnissaa. Isiginnagassiaaqqat, isiginnaagassiat nipilersornertallit aammalu atuagassiat assigiinngitsut 20-vit, qallunaatut norskisut svenskisullu sanaat qulakkeerpaat atuartut nunani eqqarlimik oqaasiinik tusarnaarsinnaanerat isiginnaarsinnaanerallu. Taamatuttaarlu atuuppoq tusarnaagassianik oqaatsinut allanut aalajangersimasunik nutsernikkunut atuffatsissinnaaneq.

Oqaatsinik ilinniarniaraanni pitsaanerpaavoq oqaatsinik eqeersimaartumik atuinissaq. Nunat avannarlermi atuarfimmi ilinniartitsisut ikinngutitut atuaqatigiiaanni pilersitsisinnaapput, suleqatigiinnikkullu ilinniartitseriaaseq nutaaliortoq sanarfiffisinnaallugu. Atuartut taamaasillutik inimi piviusuusaartitami naapinnissaminnut allaat isiginnaarutikkut oqaloqatigiissinnaanerannut allaqatigiissinnaanerannullu periarfissinneqarlutik. Piviusumillu oqaloqatigiissinnaaneranni oqaatsit tungaatigut pingaaruteqaqisumik ilikkagaqartarput naliginnaasumillu atuartitsinerminngaanniik pissarsiffiusinnaanngitsumik. Pitsaanerpaartaavorlu ilikkagaqarnartumik pissanganartumillu peqatinik naapitsisinnaaneq.


Oqaatsit aserortikkit!

Anitsiarusukkaanni pitsaasuuvoq pinnguaatinik assigiinngitsunik aallaartitsinissaq. Oqaatsit piorsarsimassutsillu ataanni pinnguaatinik ilikkarnartunik aammalu oqaasilereriaatsini assigiinngitsuni ilinniariaatsit inuuummaarissumik nuannersumillu inerisaasoqarnikuuvoq. Assersuutigalugu oqaatsit "aallaallugit" sequtsernerisigut immaqaluunniit taallianik " qiortaanerit" . Aamma nunat avannarliit angalaarfigalugit ilisimaarinninnerit unamminartumik misilittarsinnaavatit. Allaat nunat avannarliit kaajallanneranni inuit allat imaluunniit inuit arlariit ataatsikkut pinnguaammi ataatsimi unammillersinnaallugit. Assersuutaasinnaavoq peqatigiiaat ikinngutitut atuaqatigiiaanni pitsaasumillu ataqatigiilersitsisumi nittartakkatigut suleqatigiissinnaaneq.

Uani
nunani avannarlerni atuarfik pillugu atuarit.