Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Ilinniaetitsunut ilitsersuut

Glemt password?

 

Tuluit oqaasii annertoqaat – aamma Nunani Avannarlerni

Nunani Avannarlerni suliffeqarfissuit niuernermikkut tuluit oqaasii atussallugit toqqartarsimavaat. Tamatumalu kingunerisaanik attaveqatigiinneq tamarmi tuluttut ingerlalluni – aamma nunani avannarlermiut akunneranni. Aamma taamappoq universitetini niuernikkullu ilinniarfinni. Aningaasaqarnermik ilisimatusarsimasut, qarasaasialerinikkut ilisimasallit, nakorsat ilisimatuullu naapeqatigiikkaangamik oqaloqatigiilertarput naliginnaasutut isigalugu tuluttut uffa immaqa nammineq inunnguutsimikkut oqaaseqatigiikkaluarlutik. Ilinniaqqinnerit tuluttuinnangajak ingerlanneqartarput ilinniartullu ilimasuffigineqartarput tuluttut suliatik rapportiliatillu allattassagaat.  

undefined 

 

Suliffissuaqarnikkut arlalinnik peqqutilimmik tuluit oqaasii atugaasarput. Sulineq sunniuteqarluassappat allatut ajornartoorlugu ataatsimoorussinnaasanik oqaatsinik atuisoqartariaqarpoq. Siulersuisut kattuffiillu piginnaanernik avataaneersumik pissarsiortarput. Avannaamioqatigiilluunniit naapeqatigiikkaangamik amerlanertigut tuluit oqaasii atulertarpaat finlandimiut islandimiullu skandinaviami oqaatsit arlaat atorneqassagaluarpata sapersartussaammata malinnaasinnaajunnaassammatalu. Imaakkaluarpormi nammineq peroriartornermi oqaatsit atornissaat nuannernerusaraluarpoq tamanik paasineqarsinnaappata. Tuluit oqaasii toqqaraanni peqataasunut ataqqinninnermik isumaqarpoq, taamaalillutik naligiillutik ataatsimoorussisinnaalissammata oqaatsitigut. Oqaatigerusutavigut tamakkerlugit oqaatigisinnaasarpagut- tuluttut oqalukkutta – imaluunniit sapinngisaannannguagut kisiisa oqaatigisinnaasarpagut? Oqaatigisinnaarusutaraluatsinnik oqaatigisaqanngitsoornitsigut – arlaannik annaasaqaataassanngila nutaaliorsinnaanissaraluatta tungaatigut?

Apeqqut oqallisaalluaqaaq. Pitsaaqutigivaa avannaamioqatigiit tuluttuullammassuunerat taamaakkaluartoq iluaatsortaqarpoq. Isornartorsiuisut isumaqarput avannaamioqatigiit tuluttut piginnasamikkut imminnut upperivallaalaartut. Isumaqarputtaaq ilisimatuut avannaamiut suliaminnik saqqummiussigaangamik meerarpaluppallaamik allattariaaseqartartut. Tuluit oqaasii kisimik atoqqusaalissappata ilinniakkani qaffasissuni ilimanarpoq skandinaviamiutut oqariartuutit tamakkerneqarsinnaassanngitsut takorlooruminartorujussuuvoq. Nakorsat, aningaasaqarnermik ilisimatusarsimasut, qarasaasiaqarnermik ilisimasallit imminnut naapeqatigiikkaangamik imaassinnaavoq namminerisaminnik oqaatsitik atorlugit oqaluussinnaassanngitsut, ilinniagartik tuluit oqaasii atorlugit ingerlassimagamikku. Suliaanni oqaatsit atornillit ataasiakkaat imaassinnaagamiluunniit nammineq skandinaviarmiusut oqaatsiminni taaguuteqartinngikkaalluunniit. Aporfik taanna taaneqartarpoq oqaasissaqarfiginngisaq/sunniuteqarfiginngisaq – imaappoq killiffinni aaliangersimasuni oqaatsit naammattumik atuussinnaajunnaartut.

 undefined 

 

Peqqut alla unaavoq tamat oqartussaanerat. Ullutsinnimi inuiaqatigiinni ingerlalluassagaanni tuluttut oqallorissuusariaqarpoq. Inuiaqatigiit ilaat – ingammik utoqqartagut – periarfissaqarnikuunngisaannarput tuluit oqaasiinik ilinniassallutik allat killilimmik periarfissaqarsimasut. Taamaattumik inuppassuit katataaginnartussaapput tuluit oqaasiinik atuiffiuallaartuni.  

Inuunermi atukkat allat assigalugit tuluit oqaasii allatulli kalisaffeqarput – kukkuneqanngivissoratillu kukkunerujussuaqanngillat. Soorunami kisianni tuluttut atuineq pitsaaqutitaqarpoq. Tuluttut oqalussinnaanerput annertuppat aamma assinganik nunarsuup sinnerani malinnaaffigisinnaasagut amerlanerujussuussapput. Nunanimi Avannarlerni oqaatsigut annikimmata oqaatsinik allanik ilinniartariaqartarpugut. Suliffissuaqarfiit amerligaluttuinnarput Europamut nunarsuullu ilaanut allanut noorartut. Inuit angallapput nunat killeqarfii akimorlugit. Taamaammat ilisimatoortagut tuluttut atuillutik suliaminnik saqqummiippata amerlanerujussuit malinnaallutik isummersorsinnaasassapput. Uagullu nunarsuup sinnerani oqalliffissuarni peqataasinnaanngussaagut. Immaqa oqaasissaqarfiginngisaq/sunniuteqarfiginngisaq, tamat oqartussaanerat nammineq oqaatsitsinni taaguusersornikkut aporfeqalaaginnarpoq, inunnguutsitsinnik oqaatsitsinnik atuilluarsinnaannginnitsigut akiliutitsitut isigisassaasoq?

 

Allattoq: Fredrik Harstad

Ukioq allanneqarfia: 2012

Ilulisersuisoq/Assi: Norden i Skolen