Norden i Skolenip filminik neqeroorutai

filmbillede.jpg

Norden i Skolen-ip filmpakkea filminik naatsunik aamma dokumentarfilminik qinikkanik nuannersunik 40-t sinnerlugit imaqarpoq. Nunat Avannarliit tamaasa oqaasiannik filmit ingerlanneqarput ataatigullu oqaasertalersuutaatut Nunat Avannarliit oqaasii assigiinngitsut arfineq-pingasut toqqarneqarsinnaapput; qallunaatut, norskisut (bokmål), nynorskisut, svenskisut, finnisut, Islandimiusut, Savalimmiusut aamma kalaallisut.

 

Klassit qaffasissusaannut aalajangersimasunut tulluarsakkanik filmit tamarmik ilinniartitsinermi temanik pissanganartunik imaqarput. Ilinniartitsinermi temat tamakkerlugit listemi ataaniittumi takuneqarsinnaapput:  

 

1. klassimiit 3.klassimut

4. klassimiit 6.klassimut

7. klassimiit 10. klassimut

Ilinniarnertuunngorniarfiit

 

Filmit tamarmik immikkut suliassaqarput ilinniartitsinermilu temanut aalajangersimasunut tunngasunik klassit qaffasissusaannut assigiinngitsunut naatsorsuussaapput allaaserisanik, taallanik nipilersuutinillu imallit. Taama ililluni filmpakke nunat sanilit oqaasiannik ilinniartitsissutaavoq pissanganartoq allaasorlu: 

 

Norden i Skolen-ip filmpakkea ilinniartitsisut Nunat Avannarliit oqaasii pillugit nutaamik allaasumillu suliassaqarnissamik periarfissamik tunivai. Nunat sanilit oqaasiannut piorsarsimassusaannullu atuartut soqutigisaqalernissaannut filmpakke tapersiivoq – periarfissanut misigisanullu amerlasuunut pulasittarpaat nunat sanilit oqaasiinut paasisimasaqarnartumik.

 

Filminut, suliassanut il.il. iserniaraanni atuisutut www.nordeniskolen.org-imi sanaqqaartariaqarputit.