Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Oversættelse mangler

Nordjobb

undefined

Nordjobb pillugu

Nordjobbip sulissutigiuarpaa nunat avannarliit akornanni aamma oqaatsitigut pisinnaasat pitsanngorsartuarnissaat Avannarlernilu piorsarsimassuseq pillugu ilisimatusartarnissat.

Nordjobbi nordjobbertunut sulisitsisunullu eqinnaatsumik periarfissiisarpoq, aamma avannarlerni ataatsimoortumik suliffissaqarniarnikkut periarfissiisarpoq. Nordjobbi aallartinneqarmalli avannarlermiut inuusuttut 21.000-t missaanniittut aasaanerani sulisimapput.  

 

Tunuliaqutaa

”Avannarlerni aningaasaqarnikkut suleqatigiiffiannit suliniuteqarneratigut Nordjobb 1985-mi aallartinneqarpoq. avannarlermi aningaasaqarnikkut suleqatigiissinnaaneq pillugu misissornissaa eqimattat suliassarisimavaat, suliniutinillu assigiinngitsunik ineriatortinneqarsinnaasunik killeqarfiillu qaangerlugit aningaasaliisinnaannerit pillugit siunnersuusiorsimallutik.

Nordjobbi Stockholmi siunnersuisarfimmit aallaqqaamut aaqqissorneqarpoq, AB Samhällsrådet Avannarlerni peqatigiiffeqarfiit suleqatigalugit ilaatigut Stockholmi, Helsingforsimi aamma Gøteborgimi sunngiffimmi susassaqartitsinerit ingerlanneqartarsimapput. Nordjobb ukiumi siullerpaami ingerlanneqarmat katillugit inuusuttut 1000-t missaanniitut peqataapput. Suliniut 1985-imi nalilersorneqarpoq, tamatumunngalu atatillugu oqaluuserineqarpoq, suliniut qanoq siunissami ingerlatiinnarneqarsinnaannersoq. Aalajangiunneqarpoq aningaasaateqarfik Avannarlerni peqatigiiffiit peqatigalugit pilersinneqassasoq, Avannarlernilu suliffissuaqarnikkut aningaasaateqarfik suleqatigineqassasoq taamatuttaaq Avannaamioqatigiinni Ministerit siunnersuisoqatigiiffiat aqutsinermi nakkutilliisutut suleqatigineqassasut.

Nordjobbip 2002-mili qitiusumik kattuffia avannarlernit allattoqarfeqarpoq, ullumukkullu Københavnimi allaffeqarluni. Tamanna pisariaqarluinnarmat suliniummut aqutsisunit assistentiniillu inaarsarneqarpoq. 2011-imilu ukiaanerani Nordjobbip suliniuteqarneranut nassuiaataa programminngortinneqarpoq.  

 

Nordjobb qanoq aningaasalersorneqarpa?

Aallaqqasiullugu Nordjobb inuussutissarsiornermit aningaasalersorneqarpoq. Siullertut suliffeqarfiit suleqatigiissitameersuupput. Suliniut ataavartumik ingerlaneratigut Avannaamioqatigiinni Ministerit siunnersuisoqatigiiffiata aningaasaliisarnini annertusivai, 1989-milu Nordjobbi pilersinneqarluni. Avannaamioqatigiinni Ministerit siunnersuisoqatigiiffiata suliniutip tunngaviatigut qulakkeeqqaarpaa, aamma peqatigiiffiit Avannarlermiut Kattuffiannut (FNF) suliniut akisussaaffigineqarlerpoq. Nordjobb ingerlaannartumik inussutissarsiornermit, illugiilluni niueqatigiinnissamik isumaqatigiissutinut aningaasaateqarfimmit aamma naalagaaffinni pisortanit aningaasalersorneqarpoq. Nordjobbi pingaarnertut Avannaamioqatigiinni Ministerit siunnersuisoqatigiiffiannit, Avannarlerni Peqatigiiffinnit, sulisitsisooqataasunit naalagaaffinnilu suliffissaqartitsiniarnermit aningaasalersorneqartarpoq.  

 

Nordjobbs pillugu nittartakkami uani annerusumik paasisaqarsinnaavutit

www.nordjobb.org/ 

 

Assit

nordjobb_logo_dk_original.jpg malin_barkelid.jpg tuukka_terio_2.jpg rosanne_ha_kansson.jpg jon_petter_vorren.jpg