Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Suliaq pillugu atuakkiat
Ilinniaetitsunut ilitsersuut

Glemt password?

 

20-10-2014

Greenland Eyes International Film Festival Reykjavik-imut pissaaq

Greenland Eyes International Film Festival Reykjavik-imut pissaaq

Greenland Eyes International Film Festival turné-tuarsinnarpoq. Island tullinnguuppoq, oktoberillu 30-ani Nordens Hus-imi Reykjavik-imi takutinneqassalluni.

Filmfestivali taanna Kalaallit Nunaannut tunngasut nunarsuarmi annersaraat, tassanilu filmiliat, piviusulersaarutit undergrundsfilmillu takutinneqartarput, taamatuttaaq immiussat nutaanngitsut, soorlu Aulahuliat (Moving Images) Thulemi 1953-imi nuutsitsineq pillugu. instruktørit producentillu apersorneqarnerinik tusarnaartitsinernik eqqumiitsulianillu saqqummersitsiviusarportaaq. Festivali 30.oktober nal. 18.00 aallartinneqassaaq, kalaallit filmiliaat Nuummioq takutinneqassalluni, filmiliortumit Otto Rosingimit saqqummiunneqassalluni. Novemberip sisamaani nal. 21.00 islandermiut elektronika-rtartut Samaris tusarnaarneqarsinnaapput aamma Kalaallit Nunaanneersoq Nive Nielsen & the Deer Children. Eqqumiitsulianik saqqummersitat ”13” Inuuteq Kriegel-imit Filp Gielda-millu suliat aamma takuneqarsinnaapput. Aaqqissuussat tamarmik akeqanngillat.

Siornatigut festivali Berlin-imi takutinneqarnikuuvoq (2012), ukiorli manna nunani avannarlerni nuttaqattaartinneqassaaq. Greenland Eyes International Film Festival-imi sammineqartut tassaapput eqqumiitsuliorneq, kulturi, Kalaallit Nunaat, Nunat avannarliit, nunarsuarmioqataaleriartorneq, avatangiisit, film nipilersornerlu, tamanullu nunani avannarlerni kulturimut soqutigisalinnut tulluarluni, inuusuttunit utoqqarnut. Festivalimik aaqqissuisut festivalimi direktøri Ivalo Frank aamma filmiliortoq Nicholas Alan tamanik festivalimut tikilluaqqusipput, festivalimut Kalaallit Nunaanni kulturimut tunngasunik ulikkaartumut.

Festivali pillugu qaqugukkullu sumiissanersoq paaserusukkukku nittartagaat takusinnaavaat  http://greenlandeyes.com.