Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Suliaq pillugu atuakkiat
Ilinniaetitsunut ilitsersuut

Glemt password?

 

28-09-2015

Isumalluutit Atortussiallu – aalisarneq

Isumalluutit Atortussiallu – aalisarneq

Nerisassat suminngaanneerpat?
Nunani avannarlerni 12-14-inik ukiulinnut ilinniutit nutaat akeqanngitsullu Isumalluutit Atortussiallu pillugit.

2013-imi misissuinerit takutippaat meeqqat pingasorarterutaat angerlarsimaffimmi nerisassiornermi ilaatinneqartut ajortut- taassumallu saniatigut nerisassat naammasseriikkat pisiassat tunisaanerat qaffakkiartuinnarluni. Tamassuma kinguneraa meerarpassuit maanna nerisassamik suminngaanneernerat amerlasoorpassuartigut nalusaraat – angajoqqaajusut meeraanerisa nalaannut sanilliullugu.Taamaattumik Norden i Skolen-ip sammisaq nutaaq aallartippaa, Isumalluutit Atortussiallu, tassungalu ilutigitillugu Kampen mod Madspild (nerisassanik eqqaaneq akiorniarlugu suliniut) aallartillugu. Tassami nerisassat pisuussutillu allat suminngaanneernersut nalunngikkutsigit aamma paarinissaat pikkorinneruffigilissagatsigu. Sammisat nutaat soorlu nungusaataanngitsumik aalisarneq, orpinnik killuineq, uumasuuteqarneq aamma karrit pillugit siunissami periarfissat eqqartorneqassapput, taakkulu nunani avannarlerni atuarfiit uumassusilerinermi, inuiaqatigiilerinermi pinngortitami teknikimilu ilikkagassatut anguniagaannut qanipput. 

Immamit pisinnaarpassuagut

Island tassaavoq nunani avannarlerni aalisakkanik eqqaanermik millisaasut siuttut ilaat. Norden i Skolen-ip Islandip aalisartagai pillugit paasisassarsiorpoq, aalisakkanillu eqqaanerup millisarnissaanik anguniagaqarlutik nungusaataanngitsumik ineriartortitsisut nutaalianillu periutsinik suliaqartut ornillugit.
11.november 2015-imit nunani avannarlerni atuartut ilinniusiat allallu paasissutissat www.nordeniskolen.org-imi nassaarisinnaalissavaat, soorlu aalisagaq pisuussutitut nerisassatullu, nungusaataanngitsumik aalisagaateqarneq, oqaatsillu uumassusillit assigiinngissitaarnerat nungusaataanngitsumillu atuineq pillugit paasisaqarnerusinnaalissallutik.    

Asuliinnaq eqqaaneq nutaaliorluni ineriartortitsinikkut pinngitsoortinneqarsinnaavoq

Saarullik tassaavoq aalisakkani Islandermiut igitaqanngingajavillutik atorluarsinnaalersimasaat, sulilu ineriartorluni. Nutaaliat ilagaat Islandip avannaaneersut Kerecis, saarulliup amia atorlugu inuup amianut assingusumik suliaqartartut, amerluutilinnut allatigullu ammimikkut ajoqusersimasunut atorneqarsinnaasunik.

’Hús sjávarklasans’ tassaavoq aalisarnerup iluani firmaatillit nutaaliortullu allaffissornikkut ataqatigiiffiat, taakkulu aamma saarulliup igitaqanngivilluni atorneqarsinnaanissaanik pingaartitsisut. Tassaaniippoq Codland, firmaarannguaq saarulliup suliarinerani sinnerineqartartut 100 %-imik atorluarneqarnissaanik anguniagaqartoq. Produktit inerisarneqartut ilagaat saarulliup saaneeraanik vitaminiliat, uumasullu nerisassaat naggorissaatitut atorneqarsinnaasoq naasullu alliartornerani qaqugukkulluunniit atorneqarsinnaasoq.

www.nordeniskolen.org-imi ilinniusiat allat saniatigut atuartut saarullik pillugu paasisaqarnerusinnaapput, qanoq ililluni nunani avannarlerni pisuussutit nungusaataanngitsumik atorneqarsinnaanerinut paasinninnissamut, suliarinninnissamut atuinissamullu.  

 

Siunissami nungusaataanngitsumik atuinissamut tunngavissat

Skandinaviami Europallu avannaani nungusaataanngitsumik aalisarnerup allagartalersorneqarnerani ingerlalluarnerpaat ilaat. Ilisimaneqarnerpaaq tassaavoq Marine Stewardship Council (MSC); nungusaataanngitsumik aalisarnermi periusissanik nunarsuaq tamakkerlugu suleqatigiillutik siuarsaasut. Islandimi MSC-mi suliniummut aqutsisoq aammalu nuna tamakkerlugu ataqatigiissaarisoq Iceland Sustainable Fisheries, Norden i Skolen-imit aperineqaramik, tamarmiullutik akipput 100 % nungusaataanngitsumik atuineq anguniagaralugu.

Sulili tamanna anguneqarsinnaanngikkallarpoq. Kisiannili soorunami anguniagaq tamanna Norden i Skolen-ip tapersersorpaa! Nittartakkami ilinniusiat nutaat atorlugit nunani avannarlerni atuartut, siunissami nungusaataanngitsumik atuinerunissaq anguniarlugu qanoq atuisut suliffeqarfiutillillu eqqarsarlutillu iliuuseqarsinnaanersut paasisaqarnerusinnaapput.

Nunat avannarliit sunniutaat

Islandimi aalisakkat nunani avannarlerni oqaluttuarisaanermi pingaaruteqarsimapput. Sulilu taamaallutik. Nunat avannarlermiut allat kattuffiit suliffeqarfiillu suleqatigalugit, nungusaataanngitsumik aalisarnermi ilisimatusarneq ingerlanneqarpoq. Suliffeqarfiit iluanni aamma nutaanik pitsaanerusunillu periuseqarnissaq eqqumaffigineqarnerulerpoq, nunat tamalaat nunallu avannarliit akornanni.
Sulili suliassat amerlaqaat. Nunanili avannarlermiut tunngavissaqarluarput nunat iluini, akornanni nunarsuarmilu nungusaataanngitsumik atuinermut aqqutissiuussissallutik. Norden i Skolen-ip ilinniusiai, pisuussutit nerisassallu pillugit, atuartut paasisaqarnerulersinnaapput nunani avannarlerni assigiissutit assigiinngissutsillu pillugit, qanorlu siunissami nungusaataanngitsumik atuilluartoqarsinnaaneranik isumassarsiorlutik.

Siunissami pisisartut nerisassat suminngaanneernerinut paasiniaatillugit

Siunissami pisisartut, tassalu atuartut, eqqarsalersinniarutsigit nerisassat suminngaanneernersut, taava suminngaanneerneri takutittariaqarpagut. Norden i Skolen-imi ilinniusiat saqqummilersut atorlugit kaammattuutigerusupparput atuartut eqqaminni suut pissarsiassaanersut paasiniaqqullugit, nunallu akornanni suut assigiinngissutaanersut paasiniaqqullugit.

Aasaq Norden i Skolen, Codland-ip aaqqissugaanut ilaavoq, tassani 15-16-inik ukiullit aalisartoqarfimmut Grindavík-imut angalatinneqarmata, tassanilu siunertaavoq meeqqat paasissagaat eqqaminni suut pissarsiarisinnaanerlugit. Angalanerminni inuusuttut Grindavík-ermiut aalisakkerivik Stakkavík alakkarpaat, aalisakkanik suliarineqanngitsunik suliaqartartoq. Tassani takusinnaavaat aalisakkat tulaanneqarnerminnit qanoq ilillutik fiskefilet-itut pisiniarfimmi pisiarisinnaasatinnut suliarineqartarnersut. Inuusuttut arlallit ilaqutaqarput ilisarisimasaqarlutillu aalisarnerup iluani suliaqartunik. Stakkavík-imullu pulaarnerminni paasivaat qanoq aalisagaq pisuussutitut nerisassatullu eqqaminni atorneqarsinnaanersoq, namminnerlu aalisarnerup iluani suliaqarusussanerlutik.

Sammisat nutaat paasisaqarfiginerukkit, atuaqatitillu Kampen mod Madspild-imut ilanngutsillugit uani www.nordeniskolen.org.

 

KAMPEN MOD MADSPILD-IMUT (NERISASSANIK EQQAANEQ AKIORNIARLUGU SULINIUMMUT) ILANNGUSSINNAAVUTIT:

1.    ATUAQATIGIIT ILANNGUTIKKIT
2.    ATUAQATIGIIULLUSI MINNERPAAMIK SAP.AK. 1 NERISASSAT IGITASI ALLATTORSIGIT
3.   KAMPEN MOD MADSPILD-IMUT ILANNGUPPUTIT

Eqqugassat: 5000 kr. Atuaqatigiit aningaasaataannut