Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Suliaq pillugu atuakkiat
Ilinniaetitsunut ilitsersuut

Glemt password?

 

12-10-2015

Sillimmatit nioqqutissiassallu - orpippassualerineq

Sillimmatit nioqqutissiassallu - orpippassualerineq

Tikikummit, kuulipiinat atisallu Finlandip orpippassuaqarfianiit
Nunani Avannarlerni atuarfinnut tamanut sillimmatit nioqqutissiassallu pillugit atuartitsissutissat nutaat akeqanngitsut

Meeqqat pingajoraarterutaasa nioqqutissiassat pillugit ilisimasaqarnerat killeqartuusoq misissuinerup 2013-meersup takutippaa.Tassa isumaqarpoq atuartorpassuit ullumikkut - kinguaariit nikinneriniit sanilliukkaanni – nerisassat suminngaanneerneri, pisattallu sunik sanaajuneri pillguit ilisimasakinnerujussuusut. Taamaammat Nunat Avannarliit Atuarfinni (Norden i Skolen) nutaamik sammisaqarnikkut pissarititat nioqqutissiallu immikkut qaammarsaavigilerpaat saniatigullu atuagaq Kampen om Madspild (Nerisassat igiinnarneqartarnerat akiorlugu) saqqummissalluni. Pissarititat suuneri ilikkarutsigit paarilluarnerulissagatsigit. Sammiviit nutaat siunissami aalisarneq, orpippassualerineq, uumasuuteqarneq, karrilerinerlu periarfissartaat piujuaannartut saqqummersippaat kiisalu nunat avnnarlit atuarfiini uumassusililerinermi, inuiaqatigiilerinermi kiisalu pinngortitalerineq teknikkimilu atuartitsissutinut naleqqullutik. 

Atuartitsinermi sammisat nutaat ilaat, ’Ressourcer og Råvarer (Pissarititat Nerisassiallu)  www.nordeniskolen.org-mi novembarip 11-anni 2015 saqqummertussat Finland-imi orpippassualerineq piujuaannartoq ersarissassavaa. Atuartitsissutit ilaatigut orpippassuqarnerit assigiinngitsorpassuunerinik, kiisalu orpippassuarnik paarsilluarnissap, pissarititaanillu atorluaanissap pingaaruteqassusianik atuartitsipput. Julip aallartinnerani Norden i Skolen-ip tamannarpiaq pillugu Finlandimi kattuffiit suliffeqarfiillu orpippassualerisut kiisalu qisuup piujuaannartussamik atorluarnissaanik suliallit arlallit paasisassarsiorfigalugit pulaarpaat.

Kattuffiit ilaat ateqarpoq Metsäyhdistys, Finland-imi Orpippassuit Peqatigiiffiat, orpipassualerinernik, periarfissaasunik avataanersunullu Finland-ip orpippassualerisoqarfianut tunngasunik soqutiginartunik paasissutissaatillit. Metsäyhdistys Finland-imi atuartunut ilaatigut orpippassuarni tammaartitsisarput, meeqqat orpippassuarni pissutsinik ilinniutaasaqisunik, orpippassualerinermi maskiinarujussuarnik takornariartillugit ikumaartitsillutillu pølse-nik kissaallutik. Peqatigiiffiup orpippassualerinermut tunngasunik oqallinnernut malinnaasarpoq, orpippassualerinermut tunngasunik paasisstissanik naqiterisarput, kiisalu Finlandimi najugaqartut tamarmik oprippassualerineq pingaaruteqassusiatalu tunngaviusumik ilisimasaqarfigilernissaat anguniagaraat.

Finland-ip nunataa 75 %-ia orpippassuuvoq, inuilli tallimaraarterutaat - tassa Finlandermiut milliuunit missaat – orpippassuaatiliupput, amerlasuullu orpippassualeriffinni, atorfinniluunniit arlaatigut orpippassualerinermiut attuumassuteqartuni artorfiliupput, taamaammat toqqaannanngikkaluamik toqqaannartumilluunniit orpippassuit inuussutigalugit. Taamaammat orpiup qisuttaata taakkulu sinnikuinik atorluaasinnaassuseqarneq piujuaannartitsisussamillu orpippassualerineq Finland-ermiunut pingaarutilerujussuusoq naatsorsorneqarsinnaavoq. Ullumikkut Nunat avannarlernut orpippassuit aamma pingaarutilerujussuupput – assersuutigiinnarlugu nunat avannarliit ilusilersuisartut eqqarsaatigissagaanni – oqaluttuarisaanikkut orpippassuit pingaaruteqarsimaqaat, taamanikkut qissiat illuliornernut vikingit umiarsualiornernut sakkuliornernullu atortarallarmata.  

Norden i Skolen (Nunat Avannarliit Atuarfinni) aaliangerpugut qisuup sumut atorneqartarnera qimerluulaarusullugu. Qisunniit nioqqutissiassat eqqaaneqaraangata amerlanerit immaqa pappilissat, pequttat, qisussiat naatitsivimmilu naqqassat eqqarsaatigisarpaat, kisianni Metsäyhdistys-ip isigut Silarsuarmut nutaarluinnarmut ammaappaat, oqaluttuaramik, atisaliornerit, kuulipiinat, cellofan, tikikummillu qisunnik tamakkiisumik qisunnilluunniit akoqarlutik sanaajusartut. Metsäyhdistys-ip nimiliassanik (gips-issat) pingaarnertut qisunnik akoqarlutik Woodcast® -mit sanaat takutippaattaaq. Nimiliassat plastikimik arrorsinnaasunik akoqarput imilernatik kissaannarlugit timip ilusaa malillugu nimiliuunneqarsinnaallutik. Aaqqissornissaa pisariaqassappat igitaqarnani nutaamik ilusilersueqqittoqarsinnaavoq. Eqqarsartaat assinga pigineqarportaaq, nimeqaannarluni tarrarsortittoqarsinnaammat – igitaqarnani gipsit allat atoraluarnerinut sanilliullugu taakku tarrarsulernermi peeqqartaramik igillugit nutaanik taarsigassaasarmata.  

Qisuit sinnikuinik atorluaqqiinerit nutaamik eqqarsarneruvoq – qularnanngilarlu siunissami qisunnik nioqqutississalerinermi tamanna pissanganarluinnartuusoq. Norden i Skolen-imi tuartitsissutit nutaarluinnaat www.nordeniskolen.org-mi ukiaru aaneqarinnaanngussapput.

Nerisassanik eqqaaneq akiorumagukku ukiumi sammisassamut nutaamut uani atuarfiit ilannguguk.  

 

NERISASSANIK EQQAASARNEQ AKIORUMALLUGU UNAMMEQATAAGIT:  


1.    ATUAQATIGIIT ILANNGUTIKKIT 
2.    ATUAQATIGIIULLUSI MINNERPAAMIK SAP.AK. 1 NERISASSAT IGITASI ALLATTORSIGIT 
3.   KAMPEN MOD MADSPILD-IMUT ILANNGUPPUTIT

Eqqugassat: 5000 kr. Atuaqatigiit aningaasaataannut