Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Suliaq pillugu atuakkiat
Ilinniaetitsunut ilitsersuut

Glemt password?

 

18-02-2016

Søholmsskolen Nerisassat Eqqarneqarnerat Akiortigu-mi atuarfinni misileerngaartuupput

Søholmsskolen Nerisassat Eqqarneqarnerat Akiortigu-mi atuarfinni misileerngaartuupput

Norden i Skolen-ip nerisassat eqqarneqartarneri pissarititallu pillugit saqqummiussineranut atatillugu Søholmskolen-imi atuartut ilinniartitsisullu karrit qanga Nunat Avannarlerniit karrerineqartarsimasut assingi atorlugit iffiukkat usserpaat.

 Norden i Skolen-ip Søholmskolen Jystrup-imut pulaarpaa, tassani Nerisassat Eqqarneqarnerat Akiortigu (Kampen mod Madspild) 3.B-mi atuartut piumassuseqarluartut peqatigalugit aallartinneqarpoq. Atuarfiup misiliummik peqataasutut nerisassanik eqqaasarneq akiorniarlugu unammeqataanikkut Danmarkimut tunniussipput. 

 Nerisassanik eqaaasarneq Nunarsuaq tamakkerlugu oqallisaavoq. Naak Nunarsuatsinni ullumikkut inuit 1 milliardit kaattut, 1,3 milliard tonsit nerisassat eqqarneqartarput. Maanna Nunat Avannarlerni kinguaariit tullii allannguinissaminnik periarfissaqalerput. Nunat Avannarliit Silap pissusianut ullorititaat (Klimadag) 11.11.2015 kingorna Nerisassat Eqqarneqarnerat Akiortigu aqqutigalugu siunissaq qaamaneq angujumallugu Nunani Avannarlerni klassit untritilikkaat unammeqataapput. Qaammat una Søholmsskolen Danmarkimi siullersaallutik misiliutitut peqataanissaminnut tullinnguupput.

 

Siunissami atuisut allanngueqataasinnaapput

Suliniutip inerisaanermut pisortaa Thomas Mikkelsen, isumaqarpoq atuartut nerisassanik eqqaasarnermut qaammarsaaviginissaat pingaaruteqartuusoq takutillugulu tamatta iliuuseqartussatut akisussaaffeqartugut. Taamaammat Nerisassat Eqqarneqarnerat Akiortigu-mi unammisitsineq-mi peqataasut tamarmik atortussanik aallarniutinik nerisassanik eqqaasarnermut iluaqutissanik nassinneqassapput. ”Atuartuutigut siunissami atuisunngortussaapput, Nunarsuattalu pissarititaat piujuaannartussamik aallaavilimmik inuusinnaasussaaput. Nerisassat eqqarneqartut oqimaalutarnerisigut klassit ajornartorsiut qanimut tigussaasunngorlugu misigilersarpaat, atuartullu allanng$uisinnaassuseqarnertik misigilersarpaat”, Thomas oqarpoq.  

 

Qanimut iliuuseqarneq


Søholmskolen-imi 3.B-t atuarfinni siuttuupput, sapaatip akunnera nerisassanik suli nerineqarsinnaasunik eqqaasarnitik nalunaarsoreersimallugit. Peqataanertillu ilutigalugu klassip iluani tupigusuutissarpassuaqalersimaqalutillu oqallisissaqalersimaqaat. ”Sapaatip akunnera ilinniarfiusimaqaaq, meeqqat tigussaanerusumik nerisassat suminngaanneerneri, kiisalu nerisassat ajoquteqanngitsut qanoq annertutigisoq namminneq eqqartarnerlugit ilikkagaqarfigeqaat. Taamaalilluni nerisassanik eqqaasarnerup ajornartorsiutaanera qanimut tigussaasumillu misigisaqarfigaat”, 3.B-t klasselæriat Jakob Pedersen oqarpoq.

Nerisassat Eqqarneqarneri Akiortigu Nunat Avannarlerni atuarfinni tamani martsip 23-iat 2016 tikillugu aaneqarsinnaapput, taassuma kingorna nunanit peqataasunit tamanit klassi ataaseq ajugaasutut toqqarneqassalluni. Klassit taakkua klassekarsiminnut 5000 DKK-mik akissarsiassaqassapput.

Klassit uani akeqanngitsumik ilannguguk
 

undefined

Nordisk Ministerråd-imit tapersersorneqarpoq