Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Suliaq pillugu atuakkiat
Ilinniaetitsunut ilitsersuut

Glemt password?

 

06-10-2014

Torshavn-imi Greenland Eyes International Film Festival

Torshavn-imi Greenland Eyes International Film Festival

 

Ulluni makkunani Greenland Eyes International Film Festival Torshavnimi Savalimmiuni ingerlanneqarpoq. Filmfestivali taanna Kalaallit Nunaannut tunngasut nunarsuarmi annersaraat, tassanilu filmiliat, piviusulersaarutit undergrundsfilmillu takutinneqartarput taamatuttaaq instruktørit producentillu apersorneqarnerinik tusarnaartitsinernik eqqumiitsulianillu saqqummersitsiviusarluni. 

 

Filmfestivali ippassaq Torshavnimi ammarneqarpoq, sisamanngornerullu 9. Oktoberip tungaanut ingerlassalluni. Nunani avannarlerni Kalaallit Nunaat pillugu takorpiarneq ajukkavut, tassalu illoqarfippalaartut, eqqumiilaartut internationaliorpalaartullu sammineqarmata. ”Nuummioq”- Kalaallit Nunaanni filmiliat internationaliusut siullersaat ippassaq aallartitsissutigineqarpoq, ilitsersuisoq Otto Rosing Københavnimiit skype-kkut malinnaasuliullugu. Festivalimi takuneqarsinnaapput titartakkanik filmiliat, filmit eqqumiitsuliat aammalu nunarsuarmi tusaamaneqartoq ”INUK”, tassanilu ilitsersuisoq Mike Magidson aggerluni filmit aallartinnerani oqaaseqassaaq takutinneqareerpallu apersorneqarsinnaalluni. Filmini nutaajunerpaaq tassaavoq piviusulersaarut ”Afernat”, nersualaarneqarluartoq, ilitsersuisullu marluusut filmip takutineneqareernerani apersorneqarsinnaapput.

Siornatigut festivali Berlin-imi takutinneqarnikuuvoq (2012), ukiorli manna nunani avannarlerni nuttaqattaartinneqassaaq. Greenland Eyes International Film Festival-imi sammineqartut tassaapput eqqumiitsuliorneq, kulturi, Kalaallit Nunaat, Nunat avannarliit, nunarsuarmioqataaleriartorneq, avatangiisit, film nipilersornerlu, tamanullu nunani avannarlerni kulturimut soqutigisalinnut tulluarluni, inuusuttunit utoqqarnut. Festivalimik aaqqissuisut festivalimi direktøri Ivalo Frank aamma filmiliortoq Nicholas Alan tamanik festivalimut tikilluaqqusipput, festivalimut Kalaallit Nunaanni kulturimut tunngasunik ulikkaartumut. Filmit takutinneqartut tamarmik akeqanngillat. Asseq filmimit ”INUK”-mit tigusaavoq.

Festival pillugu qaqugukkullu sumiissanersoq paaserusukkukku nittartagaat takusinnaavaat http://greenlandeyes.com