Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Suliaq pillugu atuakkiat
Ilinniaetitsunut ilitsersuut

Glemt password?

 

15-02-2016

Westendinpuiston kuolo-mi atuartut ilinniartitsisullu nerisassanik eqqaasarneq akiorumallugu unammillerput

Westendinpuiston kuolo-mi atuartut ilinniartitsisullu nerisassanik eqqaasarneq akiorumallugu unammillerput

Sapaatip akunnera kingulleq Westendinpuiston kuolo-mi Espoo-mi atuartut ataatsimoorlutik nerisassanik eqqaasarneq akiorumallugu Nunani Avannarlerni atuarfippassuit peqatigalugit unammilleqataapput. Nerisassanik eqqaasarneq akiorumallugu unamminermi nordeniskolen.org-mi atuartut nerisassat eqqakkatik ataatsimoortillugit oqimaalutartussaavaat, ataatsimoorlutillu nerisassanik eqqaasarneq annikillisassallugu – aningaasaqarnermut pinngortitamullu iluanaarutaasussanik.  

Meeqqat inuusuttullu pingajoraaterutaat angerlarsimaffimmi nerisassiornermi ikiutaasanngitsut misissuinerup 2013-meersup inernerata takutippaa – saniatigut nerisassat piareeriikkat atugaalernerujussuat qaffakkiartorluni. Tamassuma meeqqat nerisassat suminngaanneernerannik – kinguaariit kingullernut sanilliullugit – ilisimasaqannginnerujussuinik nassataqarpoq. Nerisassanik eqqaasarneq akiorumallugu unammisitsineq atuartitsinermi tamanit atorneqarsinnaasuuvoq akeqanngitsoq, nerisassanik eqqaasarnerup millisaaviginissaanik kiisalu nerisassant suminngaanneernerinik ilinniarfiusussatut siunertalik. Pissarititatta suminngaanneerfii ilisimasaqarfiginerulernerisigut paarilluarnerusinnaalernissaat aamma qanilissagatsigu.

”Nerisassat eqqarneqarnerat millisaaviginissaanut periarfissagissaarpugut”, Nerisassanik eqqaasarneq akiorumallugu unammisitsineq-mi ineriartortitsinikkut pisortaq Thomas Mikkelsen oqarpoq. ”Danmarkimi pimoorussamik iliuuseqarnikkut ukiuni kingullerni tallimani nerisassat eqqarneqartartut 20 %-imik ikilisinneqarnikuupput”.

Westeninpuiston kuolo Finland-imi atuarfinni siulersaalluni atuarfik tamaat suliniummut akuutillugu peqataapput, suliniuteqarnermilu sapaatipakunnerani nerisat eqqarneqartartut nalunaarsortarsimavaat. Atuartut piumassuseqarluarlutik peqataasimapput, tacos-illu eertat suppiniit mamarineqarluarnerusut nalunaarsuinerup takutissimavaa. ”Nerisassanik eqqaasarneq akiorumallugu unammisitsineq-mi peqataanitsinni nerisassat eqqrneqartarnerisa sammineri nuannarisimaqaarput. Ulluinnarni ilaatigut ulapaarfiusaqisuni pissarititaasut takunngitsoortakkagut eqqumaarileratisigit”, atuarfimmi pisortaq Merja Perkkiö oqarpoq.

Nerisassanik eqaaasarneq Nunarsuaq tamakkerlugu oqallisaavoq. Naak Nunarsuatsinni ullumikkut inuit 1 milliardit kaattut, 1,3 milliard tonsit nerisassat eqqarneqartarput. Tassa nerisassiat tamarmik 40 %-ii. Atuartummi tamanna qanoq iliuuseqarfigisinnaagamikku?
Thomas Mikkelsen oqarpoq atuartut nerisassanik eqqaasarnerujussuarmik qaammarsaaviginissaat pisariaqarluinnartuusoq, tamatta akisussaaqataanerput takutikkumallugu. Taamaammat Nerisassanik eqqaasarneq akiorumallugu unammisitsineq-mi peqataasut tamarmik atortussanik aallarniutinik nerisassanik eqqaasarnermut iluaqutissanik nassinneqassapput. ”Atuartuutigut siunissami atuisunngortussaapput, Nunarsuattalu pissarititaat piujuaannartussamik aallaavilimmik inuusinnaasussaaput. Nerisassat eqqarneqartut oqimaalutarnerisigut klassit ajornartorsiut qanimut tigussaasunngorlugu misigilersarpaat, atuartullu allannguisinnaassuseqarnertik misigilersarpaat”, Thomas oqarpoq.


Nerisassat Eqqarneqarnerat Akiortigu Nunat Avannarlerni atuarfinnut tamanut marts-ipulluisa 23-iat tikillugu pissarsiassaassaaq, taassumalu kingorna nunani peqataasuni tamani klassi ataaseq ajugaasoq makinneqassalluni. Klassit taakku EUR 670 klassi karsiminnut pinnatassaraat. Nerisassat Eqqarneqarnerat Akiortigu Foreningerne Nordens Forbund-ip ilinniartitsisut qupperneranni www.nordeniskolen.org-mi aaneqarsinnaavoq, Nordisk Ministerråd-imit taperneqarpoq.

Asseq: Norden i Skolen: Westendinpuiston koulu-mi atuartut, Ella Päarni, Kare Storckovics, Liina Virta og Aksel Paul, atuartut Nerisassat Eqqarneqarnerat Akiortigu-mi peqataanertik oqaluttuarigaat - atuarfiup pinngortitamut avatangiisimullu tunngasut suliniutit peqataaffigissasa ilaat.