Norden i Skolen aqqutigalugu Nunani Avannarlerni atuartunik klassikkaanik allanik attaveqarsinnaanngorputit. Klassit kammagiiaat periarfissarpassuarnik ammaassisuuvoq – atuagarsornikkut, kultuurikkut inuttullu. Atuartut kammattaartorsinnaapput nuannisarsinnaapput, saniatigut atuartitsinermit nalinginnaasumit allaanerusumik atuartinneqarlutik. Ilumoorpoq Nunat Avannarliit oqaasii kultuurialluataatsimoorussatik atuartut aatsaat namminneq misigigunikkit ilinniagaqarfigilersinnaammassuk.
Klassit kammassatit uani nassaarikkit.
Oqaloqatigiinnerup piviusup oqaatsinik paasinnissinnaaneq nukittortissavaa
Oqaatsinik ilinniarumasoq oqaatsit atornissaannut aamma periarfissaqartinneqartariaqarpoq. Klassimi nittartakkatigoortumi atuartut video, allaqatigiinneq, iikkamiluunniit tamanoortoq aqqutigalugit naapissinnaapput. Atuartut piviusumik oqaloqatigiinnikkut oqaatsinik piginnaanngorsarneqassapput, oqaloqatigiinnernik paaseqatigiinnernillu piginnaasaannut ineriartornerannut nukittorsaataasinnaalluartoq. Pitsaaqutigilluinnarpaalu Nunanit Avannarlerneersunit peqatinik naapitaqarneq ilinniagaqarfiulluarmat piumassusinitsitsisuulluinnarlunilu.
Suleqatigiinneq allisarniarlugu aningaasanik qinnuteqarit
Klassit kammagiit ineriartortikkusukkaanni nunat avannarliit aningaasaliisartuinit taperneqarnissaq periarfissagissaarpoq. Norden i Skolen-imi aningaasaliisartut ilaat attavissat katersorneqarsimapput, tapiissuteqarfigisartagaallu suuneri qulaajarneqarlutik. Aningaasaliisartut qinnuteqarfigineqarsinnaasut uani takukkit.