Immami plastikkit

1800-kkunnili plastikki nassaarineqarpoq peqqutaavorlu billardimut arsaaraliuummik atortussamik allamik tuugaanngitsumillu nassaartoqarusunnera. 1920-kkunni uulia akuiagaanngitsumiit plastikkiliortarneq aallartippoq. Tamassuma plastikkimik nioqqutissiorneq atuinerlu aallarnerpaa, sorsunnersuup aappaata kingorna aatsaat iluamik sukkasuumillu sananeqalerput. Ullumikkut nunarsuaq tamakkerlugu plastikkimik assut atuivugut. Nunani Avannarlerni ukiumut 700.000 tonsit ataannagit eqqagassallu allat ilanngullugit iginneqartarput.

Sammisami 'Immami plastikkit’ naturfaginut inuiaqatigiilerinermullu faginut allaaserisat pissanganartut atuarsinnaavatit, atuartitsinermi oqallisaarutinut saqqummiussanut attuumassuteqartunut klassimi suliaqarsinnaavutit filminillu pissanganartunik isiginnaarsinnaallutit. Tassunga ataqatigiisillugu plastikkimineeqqat (mikroplast), immami plastikkeqarnera peqqutaalluni immap uumasuinut unammillernartortai qanorlu immami plastikkit annikillisinnaanerigut ilisimasaqarfiginerulissavatit.