Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Oversættelse mangler
Oversættelse mangler

Anguniakkat

{{learningObjectiv.description}}

Suliaq tunniunneqarpoq

{{assignment.Index}} {{assignment.Type}}

Oqaaseqaat

Suliassat

{{assignment.Comment}}

print

Plastikkit, uumasut aamma inuit

Steven Siegel.jpg

Plastikkinik mingutsitsineq immap uumasuinut immallu eqqaaniittunut assut sunniuteqarpoq. Uumasut inuttuulli avatangiisini peqqinnartuni naviananngitsunilu inuunissaminnik pisariaqartitsipput. Plastikkit eqqakkallu allat immamut pisartut uumasut sutigut tamatigut ajoqusersinnaavaat; soorlu kilersinnaapput, tattoqissinnaapput imlt. qimissinnaapput.

 

Plastikki immap uumasuinut ulorianarpoq


Uumasut pissusissamisoortumik alapernaatsuupput taamaammallu avatangiisiminni qanittuani nutaanik nassaaminnut kajungerisarput – assersuutigalugu eqqakkat pinnguarisarpaat oqquiffittulluunniit atorlugit. Taama iliniornikkut eqqakkat assut qanillisarpaat nernguteriaannaasarlutillu imlt. eqqakkanut kilerlutik. Uumasut eqqakkanut nernguttut peersinnaajunnaarsinnaapput ikilerneqarlutilluunniit. Tamanna isumaqarsinnaavoq uumasut nalunnissaminnut, nerisassanillu nassaarnissaminnut piginnaasaat aammalu kiisortuniik qiimaasinnaanerat annikillisinnaasut.


Immap uumasui amerlasuut plastikkit immamut pisartut nerisarpaat. Piniarnatik nerinngikkaagamikkit plastikkit allanut nerisassanut naliginnaasumik nerisartagarinasoralunikkit nerisarpaat. Saaniluit soorlu puussiat plastikkit nerisarpaat eqqarsarlutik tassaasut mamarinerpaasartik nuarluk. Uumasut plastikkinik nerisarnerat tupinnermik kinguneqarsinnaavoq pissutigalugu plastikki iggiami tattoqittarmat. Aamma nerisaat naammanngeriasaartarsinnaapput kaariaannaallutilluunniit plastikkit nerisassavinnik nassaarnissamut assiisinnaammata. Ipittut soorlu savimerngit imlt. plastikkit manngertut uumasut ajoqusersinnaavaat aseruuttoorninnguussinnaasunik anniaatinnguussinnaasunillu.


Immami eqqakkat uumasut artit ilaannik pissusissamisuunngitsumik sumiiffigisartagarinngisaannut assartorsinnaavaat. Taama pisoqartarpoq uumasut artit taakkua eqqakkanut immap sarfaanut ingerlaaqataasunut nippukkaangata. Sumiiffimmi nutaami uumasunik artinik naapitsinermi uumasut artit takornartat nutaani piffimminni økologiimi ataqatigiinneq ajoqusersinnaavaat. Una pisoq malunnaatilik uumasunik artinik allanik tiguaanermik taaneqartarpoq, uumassusillillu assigiingisitaarneri pilerfimmini nunarsuarmut tamarmut siaruarsimasumut assut ajoqusiisarpoq.

 

Inuussutissani uiguleriiaanni plastikkit


Suli inuussutissani uiguleriiaanni plastikkit pillugit ilisimatuutut misissuinerit arlallit amigaataapput, kisianni aalisakkat plastikkimineeqqanik immamiittunik nerisarnerinik takussutissaqarpoq. Taamatut plastikkip inuussutissanut uiguleriaannut ilannguttarnera periarfissaqarpoq. Ilisimatuutut allaatigisat takutippaat immami plastikkit hundrerit millionit tonsit immami økologiimi ataqatigiinnernut sakkortuunik pitsaanngitsunillu kinguneqarumaartut. Soorlu uilluni amerlasuuni plastikkit nassaarineqarsinnaapput, kinguaassiornissaannullu piginnaassusaat sunnertarpaat. Ilisimatuut nassaarisimavaat Danmarkimi ammassassuarni sisamaagaangata ataatsimi sinnerlugit plastikkeqartut, immallu timmiaasa akornanni 90%-ii sinnerlugit naaminni plastikkeqartut.

 

Plastikkit inuillu


Immap avatangiisiani eqqakkat – sissami immamilu – kusananngiinnanngillat, inunnnut aamma sineriaat atornissaat pilerinarunnaartarpoq. Takornarissat eqqakkat peqqutaallutik qimaappata sinerianni inuiaat aningaasaqaatit pingaarutillit annaasinnaavaat, aningaasarpassuillu iluarsaassinermut atortariaqalissavaat


Plastikkit eqqakkallu sinerianiittut peqqissutsitsinnut aamma ajoqutaasinnaapput. Assersuutigalugu sinarsugissunut kilertoqarsinnaavoq, aqqartartut aalisakkanut qassutinut ningittakkanullu nerngussinnaapput aamma eqqakkanut minguttunut, s.i. nakorsaatitoreersimanermi igitat sissamiittunut eqqakkanillu attuisunut nappaatinitsitsisinnaapput.


Plastikkimineeqqat (mikroplast) nerisassatsinnut aqqutissanik nassaartarput immianilu soorlu nassaarineqarsinnaapput, honningini viinninilu. Taamaammat nalulluinnakkannik plastikkimik nerinissat ilimanassuseqarpoq. Illit timinnut qanoq sunniuteqarsinnaanera ilisimatuutut misissorneqartariaqarpoq. Apeqqutaaginnarpoq periarfissaq tigorusunnerit.

Loginerit takusaqarnerorusullutit

Suliassat

  • Toqqagassat amerlasuut

  • Sammisami suliaq

    • 1Sammisami suliaq

      Klassip qanoq ililluni plastikkit eqqakkat atuarfiup eqqaaninngaanneersut atoqqissinnaavaat?

      • Gruppikkaarlusi atuarfiup eqqaani plastikkinik ujarleritsi
      • Ini atuartitsivimmut uteritsi, gruppissinni issiaqatigiingitsi plastikkillu ilusilersoqqillugit ini atuarfiusumi atorneqarsinnanngortillugit sanallugit
      • Plastikkip nassaarineraniik sanallugu naammassinerata tungaanut pillugu piffissamik nalunaarsuutilioritsi (tidslinje)
      • Gruppimut allamut piffissamik nalunaarsuutiliarsi saqqummiussiuk
    • 2Sammisami suliaq

      Imaq utoqqartaasunut qanoq pingaaruteqarpa?

      • Inersimasuni aamma/imlt. utoqqartaasuneersoq inuk inuunerani immap qanoq pingaaruteqartingisimanera pillugu apersoruk
      • Plastikkip immamut mingutsitsisuunera pillugu qanoq ilisimasaqarfigaat? Aamma inuusuit nunarsuaq eqqakkaniik mingutsitsinermiillu illersornissaannut qanoq iliuuseqarsinnaanerinik qanoq eqqarsaateqarpat?
      • Ikinnerpaamik pingasunik siunnersuutinik apeqqutilliigit nunarsuup paarineqarnerulernissaanut qanorpiaq iliuuseqartoqarsinnaanera pillugu
      • Apeqqarissaarfiginninnerit siunnersuutillu allakkit ini atuarfiusumilu allatat nivinngarlugu
  • Ikinngutigiittut klassi

    • 1Ikinngutigiittut klassi

      Illit nunagisanni illoqarfiit sinerissamiittut sorliit pingaarneruppat?

      • Klassi eqimattanut sisamanut aviguk. Eqimattat tamarmik immikkut illoqarfimmik sinerissamiitumik misissugassaminnik toqqaassapput
      • Sinerissami inuiaqatigiit aningaasaqaataannut piorsarsimassusaannullu imaq qanutut pingaaruteqarnersoq misissorsiuk
      • Sinerissami inuiaqatigiit pillugit nassuiaataasumik assitalimmik allannilimmillu collage-alioritsi
      • Collage-t tamaasa assilisigit klassitullu ikinngutigisat avitseqatigalusigit