AALLARNIUT AAMMA SIUNERTAQ
Sammisaq ’Nunani Avannarlerni atuarfiit chatternerat: Silap pissusia’ tassani atuartut nukissiuutit aamma silap pissusianik allanngornerit pillugit allaaserisat atuarlugillu suliassat suliarissavaat, atuartullu namminneq nunagisartik ulluinnartillu aallaavigissavaat. Suliaqarneq naggataatigut pisortatigoortumik nunat avannarliit silap pissusianut ullorititaanni 11. novermber 2021-mi piffissami 13.00-14.00 (CET malillugu) nunani avannarlerni atuarfiit silap pissusia pillugu chattimi atuartut nunani avannarlerni allani atuartut peqatigalugit chatternerannik naggaserneqassaaq.
Atuartitsissut 7.-10. klassinut naleqqussagaavoq. Atuartut NAALAGAAFFIIT PEQATIGIIT NUNARSUARMI ANGUNIAGAAT nr. 7, 12 aamma 13 aallaavigalugit sulissapput. Anguniakkani sammineqartut tassapput piujuartitsilluni nukissiorneq, akisussaassuseqartumik atuineq tunisassiornerlu aamma silap pissusiata suliniuteqarfigineqarnera.
ATUARTUT SULIASSAANNUT AKISSUTINUT ALLATTUIFFEQARPOQ, taanna atuartut sulinerminni ingerlaavartumik immersussavaat – namminneerlutik sulinerminni aamma klassimi ataatsimut saqqummiigaangamik. Akissutinut allattuiffik atuartut ilisimasaqalernerannut ikiuutaassaaq, ilaatigut silap pissusia pillugu atuarfimmi chattilerunik atorsinnaavaat.
Piffissamut pilersaarut
Atuartut piareersaataasumik suliaqassapput, angerlarsimaffimmi suliaqassapput, chattissapput aamma kingorna suliaqassallutik. Suliassat ataasiakkaat piffissakilliortoqarpat imaluunniit klassip sammisaq pillugu suliaqareersimappata suliarineqartariaqanngillat.
ILINNIARTITSISSUTIP AAQQISSUUNNERA
SULIASSAQ 1:
Nukimmik atuinerput silap pissusianik qanoq ililluni allanngortitsisinnaava?
Piffissaq atugassaq: 30 min. (klassi tamanna pillugu siusinnerusukkut suliaqareersimappat taanna allorneqarsinnaavoq)
Anguniagaq: Nukissiuutit qanoq ittut silap pissusianik allanngortitsisartut, aamma silap pissusiata allanngornerinik annikillisaaniarluta qanoq iliorsinnaanersugut atuartut paasissavaat aamma oqaluttuarisinnaassallugu.
Nassuiaat: Klassi eqimattanut 3-nut agguataarneqassaaq. Eqimattat tamarmik allaaserisat toqqakkat misissussavaat, misissuinerminnilu apeqqutit suliarissavaat akissutillu klassiminnut saqqummiullugit. Atuartut marlukkaarlutik eqimattani suleqatigiissinnaapput.
Eqimattat 1: SILAANNAAP PISSUSAATA ALLANNGORIARTORNERI
Eqimattat 2: PINNGORTITAMI GASSI PILLUGU, ISLANDIP NUKISSIUUTAA SALLIUSOQ, ANORIP NUKIA UMIARSUARNI TINGERLAATIT ATULERMATALI, IMERMIK NUKISSIORNEQ PILLUGU, SEQINERMIK NUKISSIORNEQ PILLUGU
Eqimattat 3: SIUNISSAMI NUKIMMIK ATUISARNERIT
SULIASSAQ 2:
Nunassinni innaallagiamik pilersuineq pillugu takussutissaq
Piffissaq atugassaq: 20 min.
Anguniagaq: Atuartut nukissiuutit suut innaallagissiornermut atorneqartarnersut aamma taakku silap pissusiata allanngornerinut qanoq sunneeqataasarnersut paasisaqarfigissavaat oqaluttuarisinnaassallugillu.
Nassuiaat: Atuartut eqimattani amerlanerpaamik 4-llutik sulissapput. Allaaserisaq ima apeqqutitalik atuassavaat:
- Nukissiuutit sorliit innaallagissiornermut atorneqartarpat?
- Nukissiuutit sorliit silap pissusianik allannguisitsineq ajorpat?
Illit akissutissanik nassaarniarneranni siunnersussavatit. Ataatsimut saqqummiinertaqanngilaq.
Allaaserisaq UANI nassaarissavat
SULIASSAQ 3:
Atuartut angerlarsimaffimminni innaallagiaq qanoq atortarneraat pillugu misissuineq (angerlarluni suliassaq)
Piffissamik atuineq: Suliassap nassuiarnera: 10 min. Angerlarsimaffimmi sulineq 20-30 min. Angerlarsimaffimmi suliat saqqummiunneri: Klassimi 20 min.
Anguniagaq: Angerlarsimaffimmi innaallagiaq sumi atortarnerlugu aamma arlaanni innaallagiamik atuinerminni sipaarsinnaanerlutik misissussavaat.
Nassuiaat: Immersuiffissaq nassuiaateqarfigissavat, taanna atuartut angerlarsimaffimminni innaallagissamut atortunut nalunaarsuiffigissavaat. Nalunaarsuineq innaallagissamik qanoq ilillutik sipaarsinnaanerlutik ilaqutariinni oqaloqatigiinnermut atussavaat.
Atuartut angerlarsimaffimminni immersugassaq immersoreerpassuk, taava klassimi ataatsimoorlutik angerlarsimaffimmi atortut suut innaallagiamik atuinersut eqqartussavaat.
SULIASSAQ 4:
Mindmappi
Piffissamik atuineq: 30 min.
Anguniagaq: Atuartut innaallagissamik atuinertik annikillisillugu silap pissusiata allanngornerinut qanoq ilillutik annikillisaaqataasinnaanerlutik paasisaqarfigissavaat.
Nassuiaat: Atuartut marlukkaarlutik innaallagissap annikinnerusumik atorneqarsinnaaneranut 5-inik siunnersuuteqassapput.
Allattarfissuakkut ataatsimut mindmappiliortoqassaaq, tassani marlukkaarlutik sulisimasut tamarmik siunnersuutitik ilanngutissavaat.
SULIASSAQ 5:
Suna pillugu chatteqatigiittoqassava?
Piffissamik atuineq: Piareersaaneq 25 min. Nunani Avannarlerni atuarfiit chatteqatigiinnerat: 45-60 min.
Anguniagaq: Atuartut Nunani Avannarlerni nukissiuutit pillugit paasisaqassapput aamma nunani tamalaani (nunani avannarlerni) akisussaassuseqartumik atuineq oqaluuserineqassalluni.
Klassivit peqataanissaanut qanoq nalunaassavit?
’Nunani Avannarlerni Atuarfiit chatteqatigiinnerat: Silap pissusia’ ingerlanneqassaaq ulloq 11. nov. Nal. 10-11 (CET). Klassivit peqataanissaa nalunaarutiginiarukku imaaliussaatit:
a) ATUISUMIK SANAGIT Norden i skolenimi pilersissavat.
b) Klassit peqataanissamut nalunaartissavat UANI
Quppernerit ’NUNANI AVANNARLERNI ATUARFIIT CHATTEQATIGIINNERAT SUNAANA’ aamma ’NAJOQQUTASSIAQ: SAMMISAT PILLUGIT CHATTERNEQ’ atuarfiit chatteqatigiinnginneranni atuakkit. Atuartut chatternerup nalaanni marlukkaartinnissaat pitsaassaaq, taamaalillutik nunanit avannarlernit allanit atuartut qanoq oqaluttuarnersut pillugit imminnut ikioqatigiillutik paasiniarsinnaammassuk aamma allat apeqqutaannik akisinnaallutik.
Aamma iluaqutaassaaq atuartut akissutinut allattuiffissaq nassarpassuk, taanna nunartik pillugu oqaluttualerunik aamma apeqqutinik akinialerunik iluaqutigisinnaagamikku.
Akissutinut allattuiffisaq aamma chattip ingerlanerani atuartut paasisatik pillugit allattuiffigisinnaavaat.
Chatternermi atuartut oqaloqatigiissutigisinnaasaannik apeqquteqartoqarumaarpoq. Apeqqutit ukuusinnaapput:
- Nunassi nukissiuutit sorliit innaallagissiornermut atortarpai?
- Nukissiuutit sorliit silap pissusianik allanngortitseqataasarpat?
- Ilissi innaallagiamik atuinersi qanoq ilillusi annikillisissinnaavisiuk?
- … kiisalu silap pissusiata allanngoriartornera pillugu isummanik aperisoqarsinnaavoq
SULIASSAQ 6:
Naggataarutaasumik klassimi oqallinneq
Piffissamik atuineq: 20 min.
Apeqqutit uku oqaloqatigiissutigisigit:
- Nunassi nunallu allat assigiissutaat assigiinngissutaallu suut paasivisigit?
- Nunat avannarliit tamarmik innaallagissiornermut nukissiuutit assigiit atortarpaat?
- Chattinnginnissinni nunat avannarliit allat pillugit ilisimanngisasi suut paasisaqarfigaasigit?
- Nunani avannarlermiut inuusuttut allat peqatigalugit piujuartitsilluni siunissamut aaqqiissutissat suut eqqartorpisigit?
- Silap pissusiata allanngornerisa akiornissaat kia akisussaaffigaa - aamma illit inuttut nammineq qanoq sunneeqataasinnaaatigivit?
Loginerit takusaqarnerorusullutit
