Tekst
Video
Spill og lek
Konkurranse
Lydinnspilling
Oppgave
Faglitteratur
Lærerveiledning

Glemt passord?

 

Læringsmål

{{learningObjectiv.description}}

Oppgaven er nå levert

{{assignment.Index}} {{assignment.Type}}

Kommentar

Oppgaver

{{assignment.Comment}}

Lille Nord (læraravegleiðing)

INNLEIÐSLA

Evnið Lille Nord er eitt savn við kendum teknifilmum og sangum fyri yngstu næmingarnar í skúlanum. Filmarnir eru klárir at vísa, og uppgávurnar eru einfaldar og kunnu lættliga brúkast í flokkinum. Næmingarnir kunnu eitt nú uppliva donsku klassikararnar Vitello og Apuna Osvald, svenska klassikaran Alfons Åberg umframt rithøvundin, sum hevur yrkt norska tjóðsangin, Bjørnstjerne Bjørnson.

 

ENDAMÁL

Endamálið við evninum Lille Nord er, at næmingarnir í yngstu flokkunum læra grannamálini danskt, norskt og svenskt at kenna á ein einfaldan og viðkomandi hátt. Næmingarnir fáa møguleika at síggja, hoyra og syngja við á skandinavisku málunum. Evnið kann við fyrimuni brúkast í samstarvi við tónleikalæraran.

 

 

BYGNAÐUR

Í Lille Nord eru stuttir teknifilmar, barnasangir og ein yrking við tilhoyrandi uppgávum. Tað ber til, um tað gevur meining fyri næmingabólkin, at brúka undirtekstirnar, ið finnast á teimum níggju norðurlendsku málunum. Tað er ikki neyðugt at arbeiða við øllum tilfarinum í evninum. Norden i Skolen mælir til tvær ymsar leiðir: Norðurlendskir klassikarar og Norðurlendskur lýrikkur. Tú kanst sum lærari velja aðra av leiðunum, ella velja frítt millum tilfarið í evnunum, alt eftir hvat er mest viðkomandi fyri tín flokk.

 

Leið 1: 'Norðurlendskir klassikarar'

  • Vel svenska teknifilmin 'Alfons Åberg', danska teknifilmin 'Vitello graver et hul' og norska teknifilmin 'Olavs første skitur'. Allir figurarnir hava somu naivu og forvitnu tilgongdina til heimin kring teir. Við hesum trimum teknifilmunum koma næmingarnir upp á lítla løtu kring alt Skandinavia, og fáa tilfar til at tosa víðari um munir og líkheitir millum londini.

 

Leið 2: 'Norðurlendskur lýrikkur'

  • Vel norsku yrkingina 'Treet', svenska sangin 'Vem kan segla förutan vind' og danska 'Sørøversangen'. Yrkingar og sangur er gott útgangsstøði fyri eina spælandi og einfaldari tilgongd til tey ymsu málini, og út frá teimum tosa í flokkinum um líkleikar og munir á málunum. Kenna tit aðrar norðurlendskar barnasangir, er eitt gott hugskot at taka teir við her. Kanska tit finna onkran undir evninum 'Norðurlond syngja'.

 

UPPGÁVUR OG LJÓÐORÐABÓK

Til alt tilfarið eru uppgávur knýttar at. Í uppgávunum verður dentur lagdur á bæði mál, mentan og tekstagreining.

 

Í tekstunum er ein ljóðorðabók innbygd, sum næmingarnir kunnu brúka til hjálp. Við at trýsta á orðini, sum eru appelsingul, letur ein kassi seg upp, har ein kann hoyra orðini og síggja týðingarnar á donskum, svenskum, bókmáli og nýnorskum.

 

Logg inn for å lese mer

Utgiver: Norden i Skolen

Pedagogiske konsulenter: Stefan Åge Hardonk Nielsen

Utgitt: 2018