Tekst
Video
Spill og lek
Konkurranse
Lydinnspilling
Oppgave
Faglitteratur
Lærerveiledning

Glemt passord?

 

Læringsmål

{{learningObjectiv.description}}

Oppgaven er nå levert

{{assignment.Index}} {{assignment.Type}}

Kommentar

Oppgaver

{{assignment.Comment}}

Saaniluk

Skærmbillede 2016-04-28 kl. 11.20.18.png
Lydavspilling

Ilaannigooq niviarsiaraq puuguttani itisooq guultimik sanaaq kuummut erroriartorsimavaa. Errorlualeruttorlugu puugutaq assaaniit quaalluni imaanut nakkarpoq, qanorluunniillu imaani ujartigigaluaramiuk nanisinnaanngilaa.

 

Nipi oqarpallammat ”Ikiussagumma ikiussavakkit”, takusinnaasatuaa tassaasimavoq saaniluk nunamiittoq. Niviarsiaqqallu paasilerpaa saaniluup oqaluussimagaani.

 

Niviarsiaraq qujavoq, saanilullu imaanut pissippoq, kinguninngualu puugutaa guultiusoq nassarlugu nuilluni.

 

Niviarsiaq nuannaarluni anaanaminut angerlarpoq.

Unnukkorsiuleruttortut matu kasuttormat niviarsiaqqap ammariartorpaa. Silamiippoq saaniluk erinarsorluni:

 

”Niviarsiaraatiga niviarsiannguaq ajunngitsunnguaq uanga kisima ammaatissavarma

Eqqaamajuk kuummiikkatta qanoq neriorsornerlunga”

 

”Kinaana,” niviarsiaqqap anaanaa suaarpoq. Tutsarliortuugami.

”Saanilunguna ullumi uannut ikiuisoq,” niviarsiaraq akivoq.

”Saaniluk suniartoq,” anaanaa aperaaq.

”Iserusuttoq,” niviarsiaraq oqarpoq. Anaanaatali iseqqunngilaa.

”Ilumut,”niviarsiaraq oqarpoq. ”Neriorsornikuugakku ikiussallugu.” taava saaniluk isertippaa.

 

Saaniluk erinarsoqqippoq: ”Nerisassannik nerilanga, niviarsiaraatiga, niviarsiannguaq ajunngitsunnguaq

Eqqaamajuk kuummiikkatta qanoq neriorsornerlunga”


”Maannaana qanoq oqartoq,” anaanaa aperaaq.


”Nerisannik nererusuttoq,” niviarsiaraq oqarpoq.


”Maajunnarpaluk,” anaanaa oqarpoq.

 

Niviarsiararlu oqaqqippoq saaniluup ikiorsimagaani, neriorsorsimallugulu ikiorumallugu.

Niviarsiaraq saanilullu nerereeramik saaniluk erinarsoqqilerpoq:

 

Sinifferni sinillanga, , niviarsiaraatiga, niviarsiannguaq ajunngitsunnguaq

Eqqaamajuk kuummiikkatta qanoq neriorsornerlunga”


”Maannaana sorusuttoq,” anaanaa aperaaq.


”Siniffinni sinikkusuttoq,” niviarsiaraq oqarpoq.


”Naamik aatsaat uanga taamak,” anaanaa suaarpoq. ” Aatsaat taamak ajortigisumik tusarpunga! Taamaaliussanngilatit ilaa!”


Niviarsiararlu oqaqqippoq saaniluup ikiorsimagaani, neriorsorsimallugulu ikiorumallugu.

 

Niviarsiaqqap saaniluk siniffimmini akitsimut ilivaa innarlunilu sinilerluni.

 

Ullaakkut iterami saaniluk peqanngilaq. Sanianilu angut inuusuttoq pinnersoq innangavoq.

Niviarsiaqqamut qujarujussuarpoq nassuiaallugulu nammineq kunngissaalluni arnaqquassaap taamatut kussussimagaani, aatsaallu niviarsiaqqamit illuminut tikilluaqquneqaruni, nerisinneqaruni sineqatigineqarunilu, kussunnera atorunnaarsinnaasoq.

 

Niviarsiararlu katikkumavaa, niviarsiaqqallu tamanna nuannaraa.

Kunngeqarfianut aallarput niviarsiararlu kunngissamut nulianngorpoq.

 

Katikkamillu niviarsiaqqap anaanani qaaqqusimaneraa qularaara.

Logg inn for å lese mer

Forfatter: Evald Tang Kristensen

Gjenfortalt av: Anne Marie Krarup

Utgiver: Norden i Skolen

Utgitt: 2015

Oppgaver

  • 1Oppgaver

    Gruppe:

    • Hør på opplesningen av eventyret på dansk uten å se på teksten.
    • Hva var lett å forstå?
    • Forstod dere eventyret?
    • Hva handler det om?
    • Hør på eventyret igjen samtidig som dere leser med på teksten selv.
    • Hvordan var det å forstå eventyret denne gangen?
    • Finn ti ord dere ikke forstår og slå dem opp i ordboka.

     

    Felles: 

    • Snakk om språkets likheter og forskjeller med deres eget språk. 
    • Saml alle ordene fra gruppene og heng dem opp i klassen.