På skulen lærer du mange forskjellige ting. Du får undervisning i ulike fag som norsk, matematikk og samfunnsfag. I tillegg lærer du å samarbeide med andre elevar og mykje anna. Det du lærer på skulen kan du bruke i livet ditt no og i framtida. Gå saman med ein medelev og drøft eksempel på noko de har lært og kva de kan bruke det til. Kan hende du lærer noko du ikkje meiner at du kan bruke til noko?

Den norske ungdomsserien SKAM er ei gåve til nabospråksundervisninga i heile Norden. SKAM har gjort det norske språket kult blant nordiske ungdommar og har styrkt kjensla av å vere ein del av eit større skandinavisk språk- og kulturfellesskap. SKAM tek opp autentiske aktuelle problemstillingar som nordiske ungdommar kan relatere til. Tittelen SKAM referer til den skamma mange unge kjenner over ikkje å vere perfekte og kunne leve opp til eigne høge ideal. Regissøren og manusforfattaren Julie Andem har skapt ein serie der unge kan spegle seg i karakterar som ikkje er perfekte, og der ungdommane hjelper kvarandre med å tore å stå for kven dei er og kva dei meiner. SKAM blei sendt på NRK frå 2015 til 2017. Målgruppa var opphavleg 16 år gamle jenter, men serien har nådd langt breiare og har ein stor fanskare i heile Norden. «Mennesker trenger mennesker» er eit kjent sitat frå SKAM, som fint uttrykkjer det sentrale bodskapet i serien om at vi alle treng å vere ein del av eit fellesskap. Ungdommane i SKAM finn styrke i vennskapa sine, og dei støttar kvarandre i å tore å vere seg sjølv. «Kvart eit menneske er ei øy» er eit anna sentralt sitat, som fortel at vi menneske er som øyer som berre kan kommunisere gjennom språket. Vi er nøydde til å snakke saman om problema våre. Det lærer vi av karakterane i SKAM.

Fred kan tyde ulike ting for ulike mennesker. Kva vil det seie å leve i fred?