Sátnegirjji birra
Davviriikkalaš minisátnegirjji vehkiin sáhtát áddet skandinávalaš ránnjágielaid. Sátnegirjji sáhtát geavahit skuvllas go barggat ránnjágielaiguin, dahje go hálat dahje čálašat eará davviriikkalaččaiguin. Don sáhtát ohcat iežat giela sániin ja oaidnit mii dat lea ja maid dat mearkkaša dánskkagillii, dárogillii (girjegiella ja ođđadárogiella) ja ruoŧagillii. Beasat maid gullat mo sátni ja dan čilgehus čuodjá go deaddilat jietnamearkka. Gávnnat sátnegirjji neahtas ja sáhtát maid bidjat dan iežat telefuvdnii.
Sátnegirjjis leat badjelaš 3000 sáni, maidda leat čilgehusat golmma gillii: dánskkagillii, dárogillii (girjegiella ja ođđadárogiella) ja ruoŧagillii. Sánit ja daid čilgehusat leat jorgaluvvon ruonáeatnangillii, islánddagillii, fearsullogillii, davvisámegillii ja suomagillii. Dat mearkkaša ahte sáhtát geavahit dáid gielaid ohcansátnin, gávdnat ohcansáni čilgehusa dan gillii mainna ozat ja oaidnit makkár dat sátni lea, maid dat mearkkaša ja mo dat jietnaduvvo dánskkagillii, dárogillii (girjegiella ja ođđadárogiella) ja ruoŧagillii.
Eambbo dieđuid gávnnat dás: www.islex.no
