Teaksta
Video
Spealat ja stoahkan
Gilvu
Jietnabádden
Bargobihttá
Oahpaheaddjebagadus

Vajálduhttán beassansáni?

 

15-03-2017

DAVVIRIIKKALAŠ SKUVLACHATTA DAVVIRIIKKAID BEAIVVE 23.03.17

DAVVIRIIKKALAŠ SKUVLACHATTA DAVVIRIIKKAID BEAIVVE 23.03.17

Davviriikkalaš Skuvlachatta lea ođđa vuohki deaivvadit eará davviriikkalaš ohppiiguin, ja seammás hárjehaddat hupmat ja guldalit jienaid, ovttaláganvuođaid ja earáláganvuođaid daid eará davviriikkalaš gielain. Videochatta lea buoriduvvon diimmá rájes ja chatta lea nu go ovdal Davviriikkaid Beaivve - 23.03.2017, dii. 10.00-12.00 CET. Skuvlamánát buot davviriikkain sáhttet oassálastit. Dárbbašuvvo dusse duostilvuohta geahččalit dánskkagiela, dárogiela dahje ruoŧagiela. Oassálastit lea nuvtta.

DÁN JAGÁŠ KONSEAPTA

Davviriikkalaš Skuvlachatta "jorrá", dat mearkkaša ahte oahppit ožžot vejolašvuođa hupmat eará ohppiiguin iešguđetge davviriikkain - dego jus don fáhkka deaivvašit olbmo rámbuvrras dahje busses, ja doai humadeahppi. Šearpmas leat guokte chatteláse, don oidnot dan ovtta láses ja nuppi láses oidno muhttin eará davviriikkalaš oahppi, joavku dahje luohkká. Jus háliidat  ođđa ohppiin dahje joavkkuin háleštit de deaddilat "Boahtte". Nie álki!

Dán jagi lágiduvvo Davviriikkalaš Skuvlachatta ođđa konseaptain, ‘Mystery Skype’-málle mielde. Diehtoáŋgiris oahppit besset gelddolaš hástalusaid čoavdit. Oahppit ožžot geográfalaš hástalusa njukčamánu 23. beaivve ja fertejit detektiivabarggu bokte čoavdit hástalusa. Dán jagáš konseapta lea ahte oahppit galget árvidit gos dat eará oahppit geat oassálastet chattas leat. Hástalusa bokte oahppit besset geahččalit man bures sii dovdet davviriikkalaš geografiija, kultuvrra ja gielaid – ja buot buoremus: oahppit geat oassálastet Davviriikkalaš Skuvlachattas ohppet nubbi nuppis ja oahpahit nubbi nuppi.