Teaksta
Video
Spealat ja stoahkan
Gilvu
Jietnabádden
Bargobihttá
Oahpaheaddjebagadus

Norðurlandamál – af hverju þá?

Skuvllaid oahppoplánain čuožžu ahte oahppit galget oahpasmuvvat dainguin davviriikka ránnjágielaiguin. Manne nu? Manne lea ránnjágiella deaŧalaš? Gávdnojit olu garra ákkat, ja dá leat muhtunat dain:

 

undefined 

 

  1. Ruoŧagiella, dárogiella ja dánskkagiella leat hui ovttalágan gielat. Jus máhtát ovtta dain, it dárbbaš ráhčat nu issorasat oahppat daid earáid. Dalle lea doarvái hárjehallat moadde diimmu. Buohtastahte dan dainna main váttis lea oahppat eará gielaid. Eaŋgalasgiela, fránskagiela, spánskagiela... lea váldit olu jagiid giellaoahpu ovdal go sáhtát áddehallat.

 

2. Jurdda davviriikkalaš giellaoktasašvuođain lea ahte sáhtát hupmat eatnigielat dahje našunálgielat - ja seammá áddehallat earáiguin, váikko hálat iežat eatnigiela/našunálagiela. Don it dárbbaš nuppiin sániin oahppat hupmat eará skandináva gielaid. Lea doarvái ahte oahpat ipmirdit daid. Buot olbmot ovdanbuktet buorebut iežaset eatnigillii go eará gillii maid leat oahppan maŋŋil eallimis.

 

3. Leat badjel guoktelogi miljovnna olbmo geat hupmet ja áddejit ovtta skandináva giela. Vejolaččat boađát don mátkkoštit, studeret dahje bargat eará davii riikkas boahtte áiggis. Dalle lea dus atnu davviriikkalaš giellaoktasašvuhtii. Áddet eará skandináva gielaid rahpá nuppiin sániin birrasa.

 

4. Davviriikkat lea min lagasguovlu, min ruovtttuarena. Dat riggoda min oahppat eambbo lagamus ránnjámet birra - ja dalle lea giella deaŧalaš čoavdda. Beroštit eará Davviriikka gielain, nugo suomagielas, Islánddagielas, fearsullogielas, ja sámegielas, ii vaháguhte. Don it diehttelas dárbbaš oahppat daid gielaid, muhto sáhtát oahppat juoidá daid birra!

 

 

 

 

Čálli: Fredrik Harstad

Almmuhanjahki: 2012

Illustratevra/Govva: Norden i Skolen