Norden kalder!
Norden kalder!
Nunani avannarlerni ataatsimoorussaqartorujuuvugut, ilaatigut oqaluttuarisaanikkut takisuumik oqaluttuassaqaqatigiinnitsigut. Aammattaaq nunat avannarliit naalagaaffiini nunallu ataasiakkaat akorngini assigiinngiaassuseq pigineqarlunilu isummereersimanikkut pigiliussaqartoqartarpoq. Nunat Avannarlermioqatigiit tusaamaneqarnerulissatilluta immitsinnut ilisimanerusariaqarpugut; immitsinnut oqaatsivut misigisaqarfigisariaqarpagut, kisiannili aamma qanoq ataasiakkaarluta inuunerluta, unneqqarissumik akerleriissuteqanngitsumillu inuuneqarnerput ilisimasariaqarparput.
Nunat Avannarliit pillugit oqaluttuanik isummanillu ulikkaarpoq, maannali nammineerlusi oqaluttualiasi tusassavagut. Sammisami uani nunat avannarliit piffii pillugit isiginnaagassiussaasi. Isiginnittaatsimik nutaamik takutitsissatillusi najugarsi qanoq isikkoqarpa? Nunat Avannarlernut peqataaneruna qanoq isumalik – isiginnaagassiami naatsumik oqaatigissagussiuk?
Isiginnaagassiaq Nunat Avannarlerni inuusuttoqatissinnut siammartersiuk, isiginnittaatsillu nunani avannarlerni inuusuttuunermut tunngasut oqaluuseralugit.
Klassersilu peqataagitsi ulloq novemberip aallaqqaataat 2026 tikitsinnagu.
Nunani Avannarlerni qanoq misiginermik nassuiaassatilluni – aammalu imminut ilisaritissatilluni – filmiliornikkut siammarterinikkullu ilaatigut pisinnaasarpoq: Nunat Avannarliit nunani avannarlermioqatigiit tamalaasa isiginnaagassiornissamut qaaqquai! Isiginnaagassiat killeqarfiit akimorlugit matunik ammaasarlutillu ammanerulersitsisarput. Killeqarfinnittaaq nikisitsisinnaanerpat?
Takorloorsiuk inuusuttunut allanut Nunat Avannarlerneersunut imminut kinaanissinnik aammalu sumut atassuteqarnissinnik ilisaritinnialerlusi. Qanoq kinaanersi allallu kinaassusaat isikkoqarpat? Nunat avannarliit nunaat akimorlugit inuusuttuuneq qanoq misigisimanarpa, aammalu suna ataqatigiilersitsisuua – imaluunniit avissaartitsisuuaa – nunat eqqarleriit akorngini? Maanna piffissanngorsimavoq inuusuttunit Nunat Avannarlerneersunit piorsarsimassutsip avatangiisillu nutaat qalipaatigissullu isiginnaagassianngorlugit takutinneqarnissaat.
Ataaniittut malikkit, suliassallu aallugit, tassani tulleriiaarnerinik nassuiaatitaqarput. Ilinniartitsisunut ilitsersuutinut paasissutissat itinerusut Ilinniartitsisunut ilitsersuutit ataani nassaarineqarsinnaapput. Ilinniartitsisunut ilitsersuutinut paasissutissat itinerusut Ilinniartitsisunut ilitsersuutit ataani nassaarineqarsinnaapput.
Suliniut Nunat Avannarliillu isiginnaagassianngorlugit qanimut suliaqarfigineri aallarniutigissavasi. Nunat Avannarliit pillugit piviusulersaarutinit kipisat takuneqassapput, suliassanilu apeqqutit oqallisigineqassapput:
Skál
Hreiður
Tsumu – hvor går du hen med dine drømme?
Half&Half
Isumassarsiffiusinnaasut allat (nammineq qinigassaq):
Isiginnaagassiamit isiginnittatsimik nassaariarlusi Nunat Avannarlerni najugarsi qaninut soqarnera oqallisigisiuk. Sumiiffissinni tassanerpiaq sumiiffeqarneq, inuuneqarneq inuusuttuunerlu qanoq ittuunera oqaluttuarisiuk. Sumiiffimmut atatillugu inuttut atassuteqarnersi isiginnaagassiami sunniiniutit suut atorlugit takutitsisinnaanersi eqqarsaatersuutigisiuk. Suliassatut saniatigooralugu nunat avannarlermioqatigiit isumassarsiarineqarnera unammillersinnaavarsi… Piua?
Atuartut isiginnaagassiaattut assersuutit takukkit taakkulu atorlugit nammineq isiginnaagassiassarnik isumassarsiorit. Najukkami sumiiffimmik pitsaasumik nassaarit, oqariartuutissarnik, isikkivissarnik najoqqutassarnillu qinersigit. Eqimattakkaarlusi immiussassanut isumassarsiasi ineriartortissavasi storyboardiliorlusilu. Nammineq inuunerisaq qanoq paasissutissiarineqarsinnaava – Nunat Avannarlernut allanut?
Sumiiffimmi qinikkassinni storyboard aqqutissiuussisoralugu isiginnaagassiaq immiunneqassaaq. Isiginnaagassiami sunniiniutit atorlugit oqaluttualiamik ersarissumik sumiiffissi oqaluttuarisiuk. Program ilisimasarsi atorlugu isiginnaagassiaq suliarisiuk. Naggataani isiginnaagassiaq ikkussinnarlugu Nunat Avannarlermioqatigiinnut tamanut siammartissavarsi.
