00
00
00
00

Norrønt Skúlakjatt

VER VIÐ Í NORÐURLENDSKA SKÚLAKJATTINUM
20. SEPTEMBER 2017

Norðurlendskt Skúlakjatt er ein nýskapandi og stuttligur háttur at hitta aðrar norðurlendskar skúlanæmingar – og samstundis ein einastandandi møguleiki at venja munn og oyru til at skilja tónaløgini, líkheitirnar og ymiskleikararnar millum skandinavisku málini. Norðurlendskt Skúlakjatt fer fram næstu ferð mikudagin hin 20. september 2017 við teimum báðum konseptunum, Geo-veiðan og Spyrjitímin. Kjattað verður hesi tíðarskeiðini:

  • 09.00-11.00 fyri 3.-6. flokk (4.-7. flokk í NO, IS)
  • 11.00-13.00 fyri 7.-10. flokk (8.-10. flokk í NO, IS).

Skúlakjattið er eitt snúningskjatt, ið gevur næmingum møguleika fyri at tosa við aðrar næmingar í Norðurlondum í tilvildarligari røð. Á skíggjanum eru tveir kjatt-gluggar – tú ert sjálv/ur í øðrum, og í hinum glugganum er ein tilvildarligur bólkur av norðurlendskum næmingum. Knøtturin ”Næsti” kann brúkast nær tað skal vera, fyri at leypa frá einum tilvildarligum práti til tað næsta. Allir skúlanæmingar í Norðurlondum kunnu vera við. Luttøkan er ókeypis! Einasta krav er, at tú torir at royna teg á donskum, norskum ella svenskum. Sí tey tøkniligu krøvini konseptini herundir.

 

Sí kunningarsjónband her:

 

ÁRSINS NÝGGJU KONSEPT: GEO-VEIÐAN OG SPYRJITÍMINRETS 

GEO-VEIÐAN

Geo-veiðan er fyri næmingar í 3.-6. flokki (4.-7. flokk í NO, IS) kl. 09.00-11.00 (10.00-12.00 CET), og sendir teg út á eina spennandi og avbjóðandi kanningarferð í hini norðurlondini. Tú fært eina landafrøðiliga avbjóðing, ið eitt ávíst granskingararbeiði skal gerast fyri at loysa: Tú skalt gita hvar í Norðurlondum, hinir næmingarnir í kjattinum eru stødd. Avbjóðingin gevur tær møguleika fyri at royna tínar kunnleikar í norðurlendskari landalæru og í skandinavisku málunum. 

 

  • Flokkurin verður býttur upp í bólkar á 2-3 næmingar. Hvør bólkur skal hava eina teldu fyri at vera ritaður inn á Norðurlendska Skúlakjattið og at brúka Google maps. Google maps kann eisini vera frá á eini aðrari teldu ella á snildfonum. Norden i Skolen hevur eisini gjørt eitt kort, ið kann prentast út og skrivast á, hvørjum ein hevur møtt í Norðurlondum. Prenta kortið her.
  • Tá tú fært samband við ein bólk av norðurlendskum næmingum í Norðurlendska Skúlakjattinum, so er fínt at heilsa upp á tey og upplýsa títt navn og floksstig – men minst til, at tú ikki mást siga, hvar tit eru!
  • Tá tit hava heilsast, fer Geo-veiðan í gongd. Annar bólkurin byrjar við at seta spurningar. Við bert at seta JA- og NEI-spurningar, skulu tit royna at savna nóg mikið av upplýsingum til at kunna gita, hvar í Norðurlondum hinir næmingarnir eru
  • Tit skulu skiftast til at seta hvørjum øðrum spurningar: Minst til, at tit einans mugu svara við JA ella NEI :-) 
  • Tá tit hava gitt, hvar í Norðurlondum tit eru stødd, so er tað upp til tykkum sjálvi at gera av, nær tit siga farvæl og trýsta á ”Næsta” í kjattinum.
  • Minnist til at siga pent farvæl – tað er góður siður. Havið eina góða Geo-veiðu... 

 

SPYRJITÍMIN

Spyrjitímin er fyri næmingar í 7.-10. flokki (8.-10. flokk í NO, IS) kl. 11.00-13.00 (12.00-14.00 CET), og er eitt konsept, har tú kanst hitta javngoml úr øllum Norðurlondum í snúningskjattinum og seta spurningar, ið geva tær innlit í líkheitum og munum millum Norðurlondini. Áðrenn Spyrjitíman skulu tit í bólki upp á 2-3 næmingar fyrireika eina røð av spurningum til hvørt land, sum tit eru forvitin eftir at vita meira um. Tað kann vera um hvat sum helst, men hugsa um hvat kann vera áhugavert at tosa við javngomul úr einum øðrum norðurlandi um, nú tit hava møguleikan. Gerið eftir Spyrjitíman eina samanumtøku í flokkinum, har tit deila tykkara upplivingar frá Spyrjitímanum

  • Fyrireikið í bólkum á 2-3 næmingar eina røð av spurningum til javngomul frá øllum hinum Norðurlondunum (GG: Verður fyrireikað undan Norðurlendska Skúlakjattinum)
  • Allir bólkar hava tørv á eini teldu, ið er ritað inn á Norðurlendska Skúlakjattið. Tað er nóg mikið, at ein í bóllkinum er innritaður.
  • Tá tit fáa samband við aðrar norðurlendskar næmingar í Norðurlendska Skúlakjattinum, so byrjið við at heilsa hvørjum øðrum vit navni. Samskifti online kann vera avbjóðandi, tí tit ikki sita í sama rúmi – og tí tað gongur fyri seg á skandinaviskum. Ger tær tí ómak at vera vinarlig/ur opin og fyrikomandi, so at øll fáa eina góða uppliving.
  • Spyrjitímin byrjar, tá fyrsti spurningur er settur. Skrivið niður hvat hini svara, so tit kunnu deila tað við flokkinum seinni.
  • Tá tit ikki hava meira, tit vilja spyrja hvønn annan um, takkið so virðiliga hvør øðrum, og trýstið á ”Næsti” í kjattinum. Nýggir næmingar bíða tykkum :-)
  • Takið samanum í flokkinum, tá Norðurlendska Skúlakjattið er av. Hvussu er tað at vera ungur í hinum Norðurlondunum? Hava tit nakað til felags? Kunnu tit brúka tað til nakað? 

  

TEKNISK KRØV 

Luttøka í kjattinum setir hesi krøv:

  • stovna brúkara (lærari stovnar sín flokk og fær skrásetingar-leinki at geva víðari til næmingarnar). Trýst her
  • teldan hevur myndatól/webcam og mikrofon
  • mælt verður til at brúka smátalarar/headsets
  • Firefox ella Google Chrome skulu brúkast sum kagi
  • teldlar ella snildfonir kunnu tíverri ikki brúkast
  • kannið í góðari tíð undan skúlakjattinum ovast til høgru á hesi síðu, um hol er ígjøgnum (firewalls o.t. kunnu skapa tekniskar forðingar)  

  

GÓÐUR ATBURÐUR; GÓÐAR UPPLIVINGAR

Norðurlendska Skúlakjattið skal skapa góðar upplivingar og vinaløg – ikki tað øvugta. Norden i Skolen setir tí krav um, at øll fara við hvør øðrum við virðing og tosa ordiliga sínámillum. Vit mæla til, at tit í flokkinum tosa saman um góðan atburð á netinum (web-etikk), áðrenn farið verður í gongd við Norðurlendska Skúlakjattið. Tosið t.d. um, at tit ikki bert umboða tykkum sjálvi, tá tit tosa við næmingar úr øðrum Norðurlondum, men at tit eru ambassadørar fyri allan skúlan, býin og landið. 
 
Norðurlendskt Skúlakjatt hevur ikki opið alt samdøgrið, men bert í einum ávísum tíðarskeiði, tá ansað verður eftir ferðsluni. Í útgangsstøði er ongin sensurur, men um óhóskandi atburður verður staðfestur, kann Norden i Skolen beinanvegin steingja fyri tí einstaka. Tað finst eisini ein ”Meldi”-knøttur, ið næmingar kunnu brúka í serligum støðum, um tey uppliva grovan óhóskandi atburð.

 

HALT TEG DAGFØRDAN Á FACEBOOK 


Fylg Norðurlendska Skúlakjattinum á Facebook, og halt teg dagførdan um seinastu tíðindini frá læruportalinum. 

 

'Dáma' og fylg Norden i Skolen HER

 

undefined

BYRJA NORÐURLENDSKT SKÚLAKJATT HER

Billeder

Chatbanner.gif