Atlantbib
Atlantbib.org iserasuaataavoq fagbogiusoq akeqanngitsoq atualeqqaanermiit qummullu nunat eqqarlerisat oqaasiisa ilinniartitsissutigineqarnerisa ajornannginnerulersillugillu pisariillisaasuuvoq. Atuakkatut atuartut ilinniartitsisullu suliamut tunngasunik oqaatsinik allattuiffittut atuarfinnut tamanut akeqanngitsumik atorsinnaasussatut suliniutaavoq. Atuakkat nunat avannarliit assigiinngitsut akornganni nunanilu baltiskiusuni oqaluttuarisaaneq, nunalerineq, oqaatsit aammalu piorsarsimassusermi naligiissutsit assigiinngissutsillu qitiutinneqarlutik onlinekkut nittartakkamiipput. Atlantbib.org Danmark, Norge, Sverige, Finland, Island, Færøerne, Grønland, Letland, Litauen, Sydslesvig aamma Sápmimiit ilaasortaqareerput. Atuartut misissueqataallutillu, allaqataallutillu, nutserillutillu atuakkat saqqumminnerinnerinni immiusseqataasarput.
Kulturakademi
Kulturakademi nunat killeqarfii qulangerlugit ilinniartitsissutitut atuarfinnut, førskolenut (atualinnginnermi piareersarfik) perorsaanermut tunngasuni sullissinermut neqerooroorlunilu Sønderjylland-Schlewigimi piorsarsimassutsimut taakkulu oqaasii pillugit atuartitsissutilik. Kulturakademi dansk-tyskit killeqarfiini atuarfiit katersungaasiveqarfiisalu akornginni suleqatigiinnerit ukkatarai. Nittartakkami danskit tyskillu nunat eqqarlerisat oqaasiisa ilinniartitsissutigineqarnerinut atuartitsissutit ikorfartuisut ataatsimut nanineqarsinnaapput.
Nordiske sprogpiloter
Nordiske sprogpiloter suliniutaavoq nunani avannarlerni oqaatsit ilitsoqqussat aammalu oqaatsit ilitsoqqussarinagit nalunngisat pillugit nunat avannarlerni oqaatsit piorsarsimassuserlu ilinniartitsissutigineqarnerani ilinniartitsisut atuartitsisullu ilinniaqqinnissaannut siuarsaanermik siunertalik. Pikkorissaanerit ineqarnerlu akeqanngillat, angallatsinnerli nammineerluni aningaasalersorneqassaaq.
Nordspråk
Nordspråk nunani avannarlerni oqaatsit ilitsoqqussaralugu peqatigiiffiisa sinniisaasa aammalu nunat avannarlerni oqaatsit ilitsoqqussarinagit nalunngisat atuartitsisuisa peqatigiiffigaat. Nordspråip nunani avannarlerni atuarfinni tunngaviusuni, ilinniarnertuunngorniarfinni ilinniartitsisunngorniarfinnilu nunat avannarliit allat piorsarsimassusiisa atuagassiaqarnerisalu ilisimaneqarneri nutarsarsimanissaasa, kiisalu nunat avannarlerni nunat eqqarlerisaat oqaasii imaluunniit oqaatsit ilitsoqqussarinagit nalunngisat ilinniartitsissutiginissaannut atortussiaqarnerisa isumannaarnissaat pingaarnertut suliassaraat. Nordspråkip nunani avannarlerni ilinniartitsisunut pikkorissarnerit aammalu saqqummersitat ineriartortinneri ukiut 30-it sinnerlugit sulissutiginikuuai.
The History of Nordic Women’s Literature
Uani nunani avannarlerni arnanut atuakkiornermi sunniutillit kingullliit ilisimasaqarfigiliutigalugit ukiut 1.000-it sinnerlugit arnanut atuakkiornermi oqaluttuarisaanerit Sverige, Norge, Danmark, Finland, Savalimmiut, Island, Kalaallit Nunaat aammalu Ålandimeersut pulaffigisinnaavatit. Tamarmik Nunat Avannarnerni atuakkiornikkut oqaluttualiortut siuttunit allanneqarnikuupput.
TegnTube
Nittartagaq TegnTube Nunat Avannarlerni meeqqat inuusuttullu ussersornermik ilinniarnissaminnik alapernaatsunut, aammalu inersimasunut meeqqanut tusilartunut imaluunniit tusaasatigullu innarlernikunut qanigisaasunut ussersuutinullu atuisuusunut, kiisalu meeqqanut inuusuttunullu sullissillutik atorfilinnut innersuussaavoq. Uani filmi meeqqat inuusuttullu ussersortuusut ulluinnatik oqaluttuarillugillu ussersornerup qanoq namminermut pingaaruteqartiginerata oqaluttuarinerat takusinnaavat taamaasillutillu nunat avannarlerni ussersorneq ilisimasaqarfigilerlugu. Oqaatsit akorngini assigiittoqarpa, suullu assigiinngissutigaat? Assigusoqarpa assiginngisaanilli isumalinnik mianigisassanik? Ussersortuusut nunani avannarlerni imminnut qanoq attaveqaqatigiittarpat, nunani avannarlernittaaq ussersuutit suusunuku?