Sallu ilumoortorlu

Sammisami ”Sallu ilumoortorlu”-mi allatat assigiinngitsut nassaarisinnaavatit. Allatallu assigiissuserivaat arlaatigut sallu ilumoortorlu sammineqarmat. Sallu ilumoortorlu akerleriipput, kisianni sallu ilumoortup akerleriuaannarpaa?

Sallup ilumoortoq qallersinnaasarpaa, sallusoq ikorfartorlugu imaluunniit uukapaassinerusinnaalluni. Namminermi nalunavianngilat atuakkatit, tusakkatit takusatillu tamaasa upperiniaannarsinnaanagit. Sallummi tusagassiutini, atuakkani, TV-mi, filmini internetsimilu nassaassaapput. Atuakkiortup siunertariuaannarnerpaa ilumoortoq saqqummiutissallugu? Atuakkiortariaatsit assigiinngitsut atorlugit atuartut naatsorsuuteqartinneqalersinnaapput. Oqaluttualiani akuerisinnaavagut  ilumoorsinnaanngitsut, upperiuminaatsut ilimanannitsullu atuassallugit, akerlianilli oqaluttuat ilumoortumik aallaavilinni naatsorsuutigisarparput oqaluttup ilumoorpasinnissaa uppernassusaallu. Atuakkiortariaatsinilu ilumoortumik aallaaveqaraanni allanik piumasaqaateqarnerusoqarnerpa?

Uani sammisami allatat ilumoortut ilumoortuunngitsullu atuarneqarsinnaapput, neriuutigivarpullu atuartut arlaatigut qisuariaateqartassaasut sallumut ilumoortunullu. Einer Øklandip (atuakkiortoq norskeq 1940-mi inunngortoq) ima oqaatiginikuuaa: ”Fotballen er rund heiter det. Det betyr at i fotball kan alt skje. Men litteraturen er rundare, for der skjer faktisk alt." – kalaallisut: ”Tusartarparput arsarooq ammalortuuvoq. Tamanna isumaqarpoq arsartoqartillugu susoqarsinnaavorluunniit. Kisiannili atuakkialerineq suli ammalorneruvoq, tassanimi qanorsuaq susoqartarami.”

• 1
• Musikvideo
• 3
• Filmi
• 8
• Nipit
• 1
• Allataq