Foreiningane Norden administrerer følgjande prosjekt i tillegg til Norden i Skolen.

Nordisk litteraturveke

Éin gong i året blir det arrangert verdas største høgtlesingshending i Norden. Når det er som mørkast i landa våre, så tenner vi eit lys og les ei bok. Ved soloppgang for dei små og i skumringa for dei store. Kvart år blir nye høgtlesingstekstar handplukka til prosjektet som har som mål å fremje lesing, nordisk litteratur og forteljartradisjon. Besøk Nordisk litteraturveke si heimeside for å lese meir om korleis skolen din kan delta.

Nordjobb

Nordjobb formidlar sesongjobbar til unge mellom 18 og 30 år. Nordjobb er både ei verdfull arbeidserfaring og ein måte å utforske dei nordiske nabolanda på. Nordjobb arbeider for å auke mobiliteten på den nordiske arbeidsmarknaden og for å auke kunnskapen om språk og kultur i Norden. Gjennom å delta i programmet bidreg både nordjobbarar og arbeidsgjevarar til mobilitet over grensene i Norden. Meir informasjon om moglegheitene for unge arbeidssøkjarar og arbeidsgjevarar finn du på Nordjobb si heimeside.