Danmark, Finnland, Noreg og Svøríki liggja tætt saman. Føroyar, Ísland og Grønland liggja langt burturi norðarlaga í Atlantshavi. Í loftlinju eru meira enn 600 km úr Noregi til Føroya. Og tað eru minst 1.500 km úr Noregi til vesturstrond Grønlands. Fornfrøðingar hava funnið farvegin av teimum fyrstu fólkunum í Føroyum. Tey livdu har í 200-300 talinum. Sporini vísa eisini, at tey høvdu seyð sum húsdjór. Vit vita enn ikki, hvørji fólkini vóru, og hvaðani tey komu, ella hví tey hvurvu aftur. Í 600-talinum sigldu írskir munkar til oyggjarnar fyri at liva í einsemi. Tá vóru ikki onnur fólk í Føroyum.

Kennir tú Dovni Jákup? Hevur tú nakrantíð spælt Bjørnin svevur? Tey flestu í Norðurlondum svara ja. Tað er ein partur av norðurlendska sangskattinum. Norðurlond syngja er eitt savn av siðbundnum barnasangum til yngstu flokkarnar og nakrir nýggjari til teir eitt sindur eldru næmingarnar. Barnasangirnir gera tað stuttligt hjá tær og tínum flokki at royna tykkum við grannamálunum donskum, norskum og svenskum í yngstu flokkunum. Nýggjaru sangirnir eru mentir til tess at fremja skapanarevnini hjá eldru næmingunum, og geva teimum tónastøði til egnar sangtekstir. Endamálið við evninum Norðurlond syngja er, at næmingarnir við sangi, spæli og tónleiki fáa kunnleika til danskt, norskt og svenskt. Næmingarnir fáa eisini møguleika, við tónleiki og skapandi tilgongdum, at grunda yvir hvat Norðurlond hava at týða fyri tey. Aftur at hvørjum sangi eru arbeiðsuppgávur, har sjóneykað verður sett á antin mál, tekstarbeiði ella myndlist.