Norden i skolen skal saman med Københavns Universitet delta i prosjektet NordUng. Formålet med prosjektet er å styrkje kjensla av å høyre saman, mellom unge i utdanning. Deltakarane i prosjektet er skular, lærarar og didaktiske utviklingskonsulentar frå Danmark, Noreg, Sverige og Færøyene. 

I løpet av dei tre åra til NordUng (2023-2026) vil det bli utvikla undervisningsopplegg og aktivitetsforslag som kan støtte lærarar i alle dei nordiske landa i å arbeide med eit nordisk perspektiv i ei rekkje fag, for eksempel morsmålsundervisning, historie, samfunnsfag, naturfag mm. Lærarane og elevane som deltar skal utvikle, teste og kvalitetssikre undervisningsmateriale samane med utviklingskonsulentane sine. Dette hamnar til slutt hos oss på Norden i skolen. Resultatet er ei rekkje vidt forskjellige undervisningsopplegg som kan sjåast under.